Bakı/26.07.18/Turan: Çərşənbə günü baş nazir Novruz Məmmədovun Afrika Energetika İttifaqının komissarı Amani Əbu-Zeydlə görüşündə Azərbaycan və Afrika İttifaqı arasında əməkdaşlıq məsələləri müzakirə olunub.
Nazirlər Kabinetinin məlumatına görə, tərəflər yüksək səviyyədə dialoqun təşkilinin və səfər mübadiləsinin, Azərbaycan və Afrika İttifaqı arasında ikitərəfli müqavilələr bağlanmasının əhəmiyyətini qeyd ediblər.
Məmmədov Azərbaycan və Afrika İttifaqı arasında iqtisadiyyatın müxtəlif sahələrində, xüsusən neft hasilatı və ixracatı sahəsində əməkdaşlıq üçün böyük potensial olduğunu qeyd edib.
2019-2022-ci illərdə Azərbaycanın Qoşulmama Hərəkatına sədrlik edəcəyini qeyd edən Məmmədov bunun Afrika ölkələri ilə əlaqələri genişləndirməyə imkan verəcəyi barədə fikir bildirib.
Söhbət zamanı həmçinin aviasiya, neft-kimya, innovasiyaların ixracı sahələrində, humanitar sahədə və digər sahələrdə əlaqələrin genişləndirilməsi haqqında fikir mübadiləsi aparılıb. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz