![Azərbaycan Baş Prokurorluğu niyə ölkə vətəndaşlarını Ukraynadakı müharibədə iştirak etməkdən çəkinməyə çağırmır?](https://turan.az/resized/media/2022/main/092200051422-750-500-resize.webp)
Azərbaycan Baş Prokurorluğu niyə ölkə vətəndaşlarını Ukraynadakı müharibədə iştirak etməkdən çəkinməyə çağırmır?
Bakı/22.09.22/Turan: Azərbaycan Baş Prokurorluğu öz vətəndaşlarını Ukraynadakı müharibədə iştirakdan çəkinməyə çağıraraq, buna görə cinayət məsuliyyətinə cəlb ediləcəkləri barədə xəbərdarlıq edən Mərkəzi Asiya ölkələrinin yolundan getməyib.
Baş Prokurorluğun mətbuat xidməti Turan-ın sualına cavabda Qazaxıstanda, Qırğızıstanda və Özbəkistanda qəbul edilmiş xəbərdarlıqlara bənzər xəbərdarlıq olub-olmayacağını deməyə çətinlik çəkib. Prokurorluğun mətbuat xidmətindən əlavə ediblər ki, yalnız idarənin səlahiyyətləri çərçivəsində sorğulara cavab vermək səlahiyyətləri var.
Amma keçmişdə Baş Prokurorluq ölkə vətəndaşlarına Suriyada və digər qaynar nöqtələrdə müharibədə iştiraka görə cinayət məsuliyyəti haqqında xəbərdarlıq etmişdi.
Rusiyada bir milyondan çox etnik azərbaycanlı yaşayır, bu insanların bir hissəsi Azərbaycan vətəndaşı olaraq qalır və Azərbaycanın digər ölkələrin hərbi təlimlərində, münaqişələrində iştirakı qadağan edən qanunvericiliyindən bixəbər ola bilərlər.
Xatırladaq ki, Azərbaycan Respublikasının Cinayət Məcəlləsinin 283-1.3-cü maddəsində ölkə vətəndaşlarının digər ölkələrin ərazilərindəki hərbi təlimlərdə və silahlı münaqişələrdə iştirakına görə 7 ildən 11 ilədək azadlıqdan məhrumetmə cəzası nəzərdə tutulur.
Rusiyada qismi səfərbərlik RF-nin digər ölkələrlə münasibətlərində yeni çətinliklərə gətirib çıxarıb. Rusiya Dövlət Duması Rusiya ordusunda müqavilə əsasında xidmət göstərən əcnəbilərin sadələşdirilmiş qaydada RF vətəndaşlığı ala bilməsinə dair düzəlişi qəbul edib. 0
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
Rəy yaz