Bakı/09.12.19/Turan: Bu gün BMT “İnsan İnkişafı -2019” hesabatını açıqlayıb.
Hesabatda deyilir ki, BMT İnkişaf Proqramının araşdırmasına görə, insan inkişafı proqresinin 20 faizi təhsil, səhiyyə və yaşam standartlarının qeyri-bərabər bölünməsi səbəbindən itirilib.
http://hdr.undp.org/sites/default/files/hdr2019.pdf
Hesabat 189 ölkəni əhatə edir və ölkələr 4 qrupa bölünür.
“Ən yüksək insan inkişafı” adlanan birinci qrupda ilk beşlikdə Norveç, İsveçrə, İrlandiya, Almaniya və ÇXR-in tərkibində olan Honq Konq yer alıb.
Rusiya 49-cu yeri tutmaqla bu qrupa düşüb.
Azərbaycan “Yüksək insan inkişafı” adlanan 2-ci qrupda 87-ci yeri tutub.
Onun qonşuları Gürcüstan 70-ci, Ermənistan 81 və İran 65-ci yerləri tutublar.
“Orta insan inkişafı” qrupuna Qırğızıstan (122), Tacikistan (125), Pakistan (152) daxil edilib.
Nəhayət, “Aşağı insan inkişafı” adlanan 4-cü qrupda son beşliyi Burundi (185), Cənubi Sudan, Çad, Mərkəzi Afrika Respublikası və Niger (186-189-cu yerlər) tutub.
“Bərabərsizlik doğumdan öncə başlanır və uşaq böyüdükcə artır. Bu, uşaqların təhsilinə, səhhətinə və qidalanmasına yatırımın artırılmasının vacibliyini şərtləndirir. Bu, insanın həyatı boyunca davam etməlidir, çünki əmək bazarında qazanca və məhsuldarlığa təsirini göstərir”, – hesabatda deyilir.
BMT İnkişaf Proqramı belə nəticəyə gəlir ki, daha məhsuldar işçi qüvvəsi olan ölkələrdə hakimiyyət ancaq bir qrup adamın əlində cəmləşmir. Həmin ölkələrdə güclü həmkarlar ittifaqları fəaliyyət göstərir, yüksək minimum əməkhaqqı və sosial müdafiə təmin edilib, qadınların əmək bazarına cəlb edilməsi üçün geniş imkanlar var.-16d06-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz