![Leyla Abdullayeva. Açiq mənbələrdən foto.](https://turan.az/resized/media/2021/main/052000033082-750-500-resize.webp)
Leyla Abdullayeva. Açiq mənbələrdən foto.
Azərbaycan Hindistan Xarici İşlər Nazirliyinin mövqeyini şərh edib
Bakı/20.05.21/Turan: Azərbaycan Xarici İşlər Nazirliyinin mətbuat xidməti idarəsinin rəisi Leyla Abdullayeva Hindistan Xarici İşlər Nazirliyinin rəsmi nümayəndəsinin Ermənistan-Azərbaycan sərhədində baş verən son hadisələrlə bağlı açıqlamasını şərh edib.
Mayın 19-da Hindistan Xarici İşlər Nazirliyinin nümayəndəsi Ermənistan-Azərbaycan sərhədindəki vəziyyəti şərh edib.
“Biz Ermənistan-Azərbaycan sərhədindəki vəziyyəti narahatlıqla izləyirik. Hərbi hərəkətlər nəticəsində sərhəd müdaxilələri vəziyyəti gərginləşdirər və yenidən döyüş əməliyyatlarına səbəb ola bilər. Biz təqsirkar tərəfi dərhal qoşunlarını geri çəkməyə və təxribatı dayandırmağa çağırırıq. Hindistan həmişə ikitərəfli mübahisələrin siyasi və diplomatik yollarla sülh yolu ilə həll olunmasını müdafiə edib. Cənubi Qafqaz bölgəsindəki sülh və sabitlik regional təhlükəsizlik baxımından əhəmiyyətlidir”, deyə nazirliyin məlumatında bildirilir.
Azərbaycan Xarici İşlər Nazirliyinin mətbuat xidməti idarəsinin rəisi Leyla Abdullayeva bidlirirb ki, birinci növbədə Ermənistanla Azərbaycan arasındakı sərhəd məsələlərinin əsas səbəbi Ermənistanın 2020-ci ilin noyabrınadək Azərbaycan ərazilərini qanunsuz işğal etməsidir.
“İkincisi, son 30 ildə Ermənistanın işğalçı qüvvələrinin Azərbaycan ərazilərindən çıxarılması ilə bağlı hər hansı çağırış etməyən Hindistan Xarici İşlər Nazirliyinin indi qüvvələrin geri çəkilməsindən danışması olduqca qəribədir. Aydındır ki, bu son açıqlama məsələnin müxtəlif cəhətləri hərtərəfli araşdırılmadan verilib”.
Abdullayeva həmçinin vurğulayıb ki, Qoşulmama Hərəkatının hazırki sədri kimi Azərbaycan Bandunq prinsiplərinin təşviqini özünün sədrlik prioritetlərindən biri kimi müəyyən edib.
“Bu prinsiplər beynəlxalq münasibətlərdə ədalət və bərabərliyin inkişafına töhfə verir və beynəlxalq hüquq normaları və prinsiplərinə hörməti təmin edir. Qoşulmama Hərəkatı çərçivəsində birliyə zərər verən hər hansı cəhdlər qəbuledilməzdir”, deyə o qeyd edib. -03-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz