İran və Azərbaycan birgə sərhədlərin mühafizəsi sahəsində əməkdaşlığı inkişaf etdirəcəklər. Bu barədə İran sərhəd qoşunları komandiri general Kazım Rezai martın 8-də Bakıya gəldikdən sonra bildirib.
Rezai jurnalistlərlə söhbətində bildirib ki, birgə əməkdaşlıq proqramı çərçivəsində hər il Tehranda, Bakıda və hər iki ölkənin digər şəhərlərində bu mövzuda müzakirələr aparılan iclaslar keçirilir.
Bakıya səfər çərçivəsində İran, Azərbaycan və Rusiya sərhəd qoşunları rəhbərlərinin üçtərəfli görüşü keçiriləcək. Görüş zamanı həmçinin İran və Rusiya sərhəd xidmətləri rəhbərlərinin ikitərəfli görüşü də keçiriləcək.
Müzakirə mövzusu regionda terrorizmə qarşı mübarizədir.
Qeyd edək ki, martın 8-də Kazım Rezai, Azərbaycan Dövlət Sərhəd Xidmətinin komandanı Elçin Quliyev və RF FTX Sərhəd Xidmətinin rəhbəri Vladimir Kulişovun görüşü haqqında rəsmi məlumat daxil olmayıb.
Üçtərəfli görüş haqqında ilkin məlumat İranın Bakıdakı səfirindən gəlib, o, görüş mövzusu kimi qanunsuz narkotik dövriyyəsinə qarşı birgə mübarizəni, habelə hər üç ölkənin terror elementlərinin nüfuzundan qorunmasını göstərib. -02D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz