Açiq mənbələrdən foto.
Azərbaycan Müdafiə Nazirliyi Ermənistanın hərbi idarəsini yalan məlumat yaymaqda ittiham edib
Bakı/24.09.22/Turan: Azərbaycan Müdafiə Nazirliyi Ermənistan Müdafiə Nazirliyinin Azərbaycan Ordusunun bölmələri tərəfindən guya təxribat törədilməsi barədə yaydığı məlumatı təkzib edib.
Ermənistan tərəfin iddiasına görə, "Sentyabrın 23-də saat 19:30 radələrində Azərbaycan SQ-nin bölmələrindən biri təxribat törədərək Ermənistanın Ermənistan-Azərbaycan sərhəd zonasının şərq istiqamətində yerləşən döyüş mövqelərindən birinin arxa cəbhəsinə çıxmağa cəhd edib".
Ermənistan Müdafiə Nazirliyinin məlumatına görə, "düşmən başlanğıc mövqeyinə geri çəkilməyə vadar edilib".
24 sentyabr saat 10:00-a olan məlumata görə, vəziyyət nisbətən sabitdir, deyə Ermənistanın Müdafiə Nazirliyi bildirib.
"Ermənistan Müdafiə Nazirliyinin Azərbaycan Ordusunun bölmələri tərəfindən guya təxribat törədilməsi barədə yaydığı məlumat tamamilə yalandır və heç bir real əsası yoxdur.
Yayılan məlumatı qəti surətdə təkzib edirik.
Bildiririk ki, bu, qarşı tərəfin növbəti təxribat xarakterli dezinformasiyasıdır", deyə Azərbaycan Müdafiə Nazirliyinin məlumatında bildirilir.
Qeyd edək ki, Ermənistan Müdafiə Nazirliyinin məlumatı Azərbaycanın dünən axşam Kəlbəcər istiqamətində üç hərbiçisinin yaralanması haqqında məlumat yaymasından sonra yayılıb. 06B
Siyasət
-
İran prezidentini İran-Azərbaycan sərhəddinə müşayiət edən İran dövlət televiziyasının müxbiri gecə yarısı helikopter qəzasının təfərrüatlarını bildirib.
-
Azərbaycan Respublikasının Prezidenti İlham Əliyev İran İslam Respublikasının Prezidenti İbrahim Rəisini daşıyan helikopterin İranda qəza enişi etməsi ilə bağlı X sosial şəbəkəsindəki rəsmi səhifəsində paylaşım edib.
-
Mayın 19-da İran prezidenti Xudafərin və Qızqalası su elektrik layihələrinin işə salınması mərasimindən qayıdarkən, onun helikopteri Şərqi Azərbaycan vilayətinə sərt eniş edib.
-
Mayın 19-da iki ölkə prezidentləri İbrahim Rəisi və İlham Əliyevin iştirakı ilə İran-Azərbaycan sərhədində Araz çayı üzərində yerləşən “Xudafərin” və “Qızqalası” su elektrik komplekslərinin açılış mərasimi keçirilib.
Rəy yaz