Bakı/03.10.22/Turan: Oktyabrın 3-də Fransanın Bakıdakı səfiri Zakari Qross Azərbaycan Xarici İşlər Nazirliyinə dəvət edilib və ona Parisdəki Azərbaycan səfirliyinə qarşı vandalizm aktı ilə bağlı etiraz notası təqdim edilib.
Xarici İşlər Nazirliyi bildirir ki, oktyabrın 1-də bir qrup radikal erməni Parisdəki səfirliyin binasına boya töküblər.
Səfirə bildirilib ki, Fransada Azərbaycanın bu ölkədəki diplomatik nümayəndəliklərinə hücumlar davam edir.
Oktyabrın 1-də baş verən insident Azərbaycan tərəfinin dəfələrlə tələb etməsinə baxmayaraq, Fransa hökumətinin lazımi tədbirlər görməməsi səbəbindən baş verib.
Fransa hakimiyyətindən Azərbaycanın bu ölkədəki diplomatik nümayəndəliklərinin mühafizəsini təşkil etmək, törədilmiş zorakılıq aktlarını araşdırmaq, günahkarları məsuliyyətə cəlb etmək, dəymiş ziyanı aradan qaldırmaq və təzminat ödəmək tələb olunur.
Fransa səfiri bu hadisədən təəssüfləndiyini bildirib və notanı ölkəsinin səlahiyyətli orqanlarına çatdıracağını qeyd edib.
Xatırladaq ki, bir neçə gün əvvəl bir qrup erməni də Azərbaycan səfirliyinə hücum edərək qapıları sındırmağa cəhd etmişdi. -02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz