![Azərbaycan Skandinaviya ölkələrindən səfirini geri çağırır](https://turan.az/resized/media/2018/main/111200014729-750-500-resize.webp)
Azərbaycan Skandinaviya ölkələrindən səfirini geri çağırır
Bakı/12.11.18/Turan: Prezident İlham Əliyev noyabrın 12-də Adış Məmmədovun Azərbaycanın İsveçdə, habelə Norveç və Finlandiyadakı səfiri vəzifəsindən geri çağırılması haqqında sərəncam imzalayıb.
Ötən cümə Norveç Azərbaycandakı səfirliyinin bağlanması və Gürcüstanda diplomatik missiyasının açılması haqqında qərar qəbul edib.
Bunun ardınca KİV-də Azərbaycanın cavab addımı olaraq İsveçdəki və eyni zamanda Norveç və Finlandiyada akkreditə olunmuş səfirliyini bağlayacağı haqqında məlumat yayılıb.
Hələ şənbə günü Azərbaycan XİN Norveç səfirliyinin bağlanması ilə bağlı təəssüfünü bildirib və Bakının İsveçdəki səfirliyini bağlamayacağını bəyan edib.
Amma Prezident Administrasiyasının xarici əlaqələr şöbəsinin müdiri vəzifələrini yerinə yetirən Hikmət Hacıyev bildirib ki, Bakı heç də Norveçin səfirliyinin bağlanmasına təəssüf etmir.
"İstənilən ölkə xaricdə səfirliyinin açılması və ya bağlanması haqqında qərarı öz maraqlarından irəli gələrək qəbul edir. Norveç səfirliyinin fəaliyyətinin dayandırılması bu ölkə hökumətinin şəxsi işidir. Bu, adi haldır və bizdə təəssüf hissi doğurmur", deyə Hacıyev bildirib.
Bu zaman Hacıyev Norveçin Azərbaycandakı səfirliyinin və bu ölkənin keçmiş səfiri Steynar Gilin fəaliyyətini tənqid edib. -06D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz