Azərbaycan Smitin qanun layihəsinin qarşısını almaq üçün lobbi firması tutub

Azərbaycan hökuməti ABŞ Konqresinin “Azərbaycan Demokratiya Aktı” qanun layihəsinin qəbuluna yol verməməsi üçün hər cür tədbirlərə əl atır. Bu layihə fevralın əvvəlində konqresmen Kristofer Smit irəli sürüb.

Turan-ın Vaşinqton müxbirinin məlumatına görə, bu məqsədlə Amerikanın Podesta Group lobbi təşkilatı ilə müqavilə bağlanıb. Şirkət Azərbaycanda insan hüquqları və demokratiyanın pozulmasına görə vəzifəli şəxslərə qarşı qanunun qəbuluna yol verilməməsinə yardım etməlidir.

Bakı yüzə yaxın siyasi məhbusu azad etməkdən imtina etdikdən, ümumiyyətlə, bu kateqoriyada məhbusların olduğunu inkar etdikdən sonra Smit qanun layihəsini irəli sürüb.

Bu qanun layihəsindən sonra hakimiyyət  Podesta Group ilə müqavilə imzalayıb və Konqresdə qanun layihəsinin qarşısının alınması məqsədilə iş aparılması, Azərbaycan hökumətinin yaxşılaşdırılması üçün səylərə görə ayda ən azı 50 min dollar ödəyəcək.

ABŞ Ədliyyə Nazirliyinin məlumatına görə, “ictimaiyyətlə əlaqələr üzrə xidmətin göstərilməsi üçün” fevralın 1-də Azərbaycanın ABŞ-dakı səfiri Elin Süleymanov və Podesta Group arasında müvafiq sənəd imzalanıb.

Podesta Vaşinqtondakı nüfuzlu şəxslərə yol tapmaq üçün Azərbaycan hökumətinə zəmanət verir və buna görə Azərbaycanın ABŞ-dakı səfirliyindən 50 min manat dollar və əlavə xidmətlərə görə pul alacaq.

Sazişdə Podesta-nın öhdəlikləri belə göstərilib: narahatlıq doğuran məsələlərin öyrənilib təhlil edilməsi; Amerika siyasəti, Konqresin fəaliyyəti, ümumilikdə Amerika siyasətində icra hakimiyyəti ilə bağlı hüquqi məsləhətləşmələr göstərmək; Konqres üzvləri və onların təmsilçiləri, icra hakimiyyəti və QHT nümayəndələri ilə əlaqələr qurmaq.

Podesta şirkətinin özündən sazişlə bağlı şərh almaq mümkün olmayıb.

Xatırladaq ki, Kristofer Smitin 14 səhifəlik qanun layihəsi dekabrın 16-da qəbul edilib.

Hazırda iki konqresmen - Co Hek və Luiza Sloter sənədə tərəfdar olublar.25В-