Ermənistanın xarici işlər naziri Edvard Nalbandyan oktyabrın 27-də Parisdə Azərbaycan XİN rəhbəri Elmar Məmmədyarov və ATƏT-in Monsk Qrupunun həmsədrləri ilə görüşəcək. Bu barədə Armenpress Ermənistan XİN mətbuat katibi Tiqran Balayana istinadən bildirib.
Nazirlər ilk növbədə avqustun 31-də azərbaycanlı zabit Ramil Səfərovun Macarıstan həbsxanasından ekstradisiya edilməsinin və əfv olunmasının danışıqlar prosesinə vurdugu ziyanı və yaranmış vəziyyətdən çıxış yollarını müzakirə edəcəklər. Bu barədə Ermənistan XİN rəhbərinin müavini Şavarş Köçəryan Armenpress-ə bildirib.
Bu, R.Səfərovun ekstradisiyasından sonra iki ölkə xarici işlər nazirlərinin ilk görüşüdür.
ATƏT-in Minsk Qrupunun həmsədrləri insidentdən sonra dondurulmuş danışıqları canlandırmaq üçün bu görüşün yekunları ilə bağlı Qarabağ zonasına səfər etməyi planlaşdırırlar.—0—
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz