Azərbaycan və Lüksemburqun xarici işlər nazirləri ikitərəfli münasibətləri müzakirə ediblər
Azərbaycan və Lüksemburqun xarici işlər nazirləri ikitərəfli münasibətləri müzakirə ediblər
Cümə axşamı Azərbaycan və Lüksemburq xarici işlər nazirləri arasında telefon danışığı olub. Ceyhun Bayramov və Xavier Bettel ikitərəfli əməkdaşlıq, eləcə də regional təhlükəsizlik məsələlərini müzakirə ediblər.
Xarici İşlər Nazirliyinin mətbuat xidməti bildirib ki, Bayramov postmünaqişə dövründə regionda vəziyyət və Azərbaycanla Ermənistan arasında münasibətlərin normallaşması prosesi barədə Bettelə ətraflı məlumat verib.
Bayramovun sözlərinə görə, Ermənistan qanunvericiliyində Azərbaycana qarşı ərazi iddiaları, eləcə də Ermənistanın sürətlə hərbiləşməsi sülh prosesini təhdid edir.
Qeyd edək ki, Lüksemburqun xarici işlər naziri az öncə Ermənistanda olub və Yerevanın mövqeyini dəstəklədiyini bildirib.
Siyasət
-
Bazar ertəsi Bayden administrasiyası Ukraynaya əlavə hərbi və büdcə yardımı üçün təxminən 6 milyard dollar ayrıldığını elan edib, Turan-ın müxbiri Vaşinqtondan xəbər verir.
-
Litva Prezidenti Gitanas Nauseda, dekabrın 30-da, bir neçə insanın həyatını itirməsi ilə nəticələnən faciəvi təyyarə qəzası ilə bağlı Azərbaycan Prezidenti İlham Əliyevə başsağlığı verib. Telefon zəngində Nauseda, İlham Əliyevə və Azərbaycan xalqına dərin hüznlə başsağlığı verərək, yaralananların tezliklə sağalmasını arzuladığını və bu çətin dövrdə xalqımızla həmrəyliyini ifadə edib.
-
Rusiya İstintaq Komitəsinin sədri Aleksandr Bastrıkinlə Azərbaycanın baş prokuroru Kamran Əliyev arasında telefon danışığı olub. İstintaq Komitəsinin yaydığı məlumatda deyilir ki, tərəflər “Azərbaycan Hava Yolları”nin təyyarəsinin qəzaya uğramasının səbəblərinin araşdırılmasını müzakirə ediblər.
-
Qroznı aeroportunun dispetçeri dekabrın 29-da AZAL-ın təyyarəsinin raketlə vurulmasından sonra uçuşları qadağan edən “Kover” planının tətbiq olunduğunu təsdiqləyib.
Rəy yaz