![Fazil Qasımov aclığa davam edir](https://turan.az/resized/news/2024/GofmHqBSTlp0h5qQ7fcc4YVxjTjfrWXSCy6bdqkY-750-500-resize.webp)
Fazil Qasımov aclığa davam edir
Fazil Qasımov aclığa davam edir
İstanbul Universitetinin doktorantı Fazil Qasımov artıq 91 gündür aclıq edir. O, “qanunsuz həbsinə” etiraz edir.
Onun qardaşı Nazim Qasımovun sözlərinə görə, Fazilin vəziyyəti olduqca ağırdır.
“O, hər an həyatını itirə bilər. Yalvarışlarımıza baxmayaraq, inadından dönmür. Sentyabrın 19-da Fazilin növbəti məhkəməsidir. O, bütün vəsatətlər təmin olunmadığı müddətdə aclığı davam etdirəcəyini bildirib” , - Nazim Qasımov deyib.
Qardaşının dediyinə görə, müalicə müəssisəsində Fazil Qasımovun vəkilləri ilə danışıqlarına qulaq asılır.
* Bakı 1 saylı İstintaq Təcridxanasının sanitar-tibb şöbəsində saxlanılan Fazil Qasımov aclıq səbəbindən səhhətinin kəskin pisləşməsi ilə əlaqədar iyulun 26-na keçən gecə Penitensiar Xidmətin sanatoriyasına köçürülüb.
Qasımov 8 avqust 2023-cü ildə İstanbulda həbs olunaraq Azərbaycana gətirilib. Onu iqtisadçı Qubad İbadoğlu ilə birlikdə saxta pul hazırlamaqda (Cinayət Məcəlləsinin 204.3.1-ci maddəsi) ittiham ediblər.
Hazırda Fazil Qasımovun cinayət işinə Qubad İbadoğlunun cinayət işindən ayrı baxılır.
-
- Cəmiyyət
- 12 Sentyabr 2024 14:23
Siyasət
-
Fransa bu ölkə vətəndaşı Teo Klerkin Azərbaycanda məruz qaldığı “açıq-aşkar ayrı-seçkilik xarakterli özbaşına rəftarı” pisləyib. “Teo Klerk metroda qraffiti çəkdiyinə görə üç il həbs cəzasına məhkum edilib. Eyni əməllərə görə onunla birgə təqsirləndirilən iki nəfər isə cərimə cəzasına məhkum ediliblər”. Bu barədə Fransa Xarici İşlər Nazirliyinin şərhində deyilir.
-
Azərbaycan Xalq Cəbhəsi Partiyasının lideri Əli Kərimli məhkəmənin ona qarşı iddianı icraata götürməsini siyasi sifarişin icrası kimi qiymətləndirib.
-
“On illərdir ki, müxalifət lideri Tofiq Yaqublu Azərbaycanda məhkəmə təqibinə məruz qalıb. O, dekabrda həbs olunub və məhkəmə qarşısına çıxarılacaq.
-
Azərbaycan Müdafiə Nazirliyi və NATO-nun Brunssum Birgə Qüvvələr Komandanlığının təşkilatçılığı, Medianın İnkişafı Agentliyinin dəstəyi ilə Bakıda strateji kommunikasiyalar mövzusunda kurs keçirilib. Kursda dövlət qurumlarının nümayəndələri iştirak ediblər, Azərbaycan Müdafiə Nazirliyinin mətbuat xidməti bildirib.
Rəy yaz