Azərbaycan XİN Bakıya qarşı sanksiyaları qəbul etməməyi tələb edir

Avropa İttifaqının Bakıdakı nümayəndəliyinin rəhbəri Malena Mard bu gün Azərbaycan XİN-ə dəvət edilib.

XİN-in mətbuat xidmətinin məlumatıa görə, nazir müavini Mahmud Məmmədquliyev Marda bildirib ki, rəsmi Bakı Avropa Parlamentinin sentyabrın 10-da Azərbaycanla bağlı qəbul etdiyi qətnaməni qətiyyətlə pisləyir.

Məmmədquliyevin sözlərinə görə, qətnamənin qəbul edilməsi prosedur” nöqsanları ilə müşaiyət olunub və o, komitələrdə müzakirə olunmadan “tələsik” plenar iclasa çıxarılıb.

“Qərəzli və destruktiv xarakter daşıyan bu sənəd Aİ və Azərbaycan arasındakı münasibətlərə zərbə vurur və gələcək münasibətlərin perspektivləri üçün ciddi maneələr yaradır”, deyə Məmmədquliyev bildirib.

Onun sözlərinə görə, qətnamə Azərbaycanda insan hüquqlarının vəziyyəti haqqında qərəzli və təhrif olunmuş məlumatla doludur və Bakıya qarşı siyasi təzyiq vasitəsidir.

Qətnamənin bəzi müddəaları təhqiredici xarakter daşıyır ki, bu da etik norma çərçivələrindən kənardır, deyə Məmmədquliyev bildirib.

Ünvanlı sanksiyalara və viza qadağalarına çağırışlar əsassızdır və heç bir halda qəbul edilə bilməz, Məmmədquliyev belə hesab edir.

O, həmçinin Avropa Komissiyasının qətnamə layihəsinin səsverməyə çıxarılmasına mane olmağa çalışmamasından, əksinə, onun yüksək vəzifəli nümayəndələrinin buna şərait yaratmasından təəssüfünü bildirib.

Mard rəsmi Bakının mövqeyini Brüsselə çatdırmağı vəd edib. -1606D-