Azərbaycan Xarici İşlər Nazirliyi Xocalı soyqırımının 25-ci ildönümü ilə bağlı bəyanatında dünya birliyini Xocalı faciəsini soyqırım və insanlıq əleyhinə cinayət aktı kimi tanımağa və pisləməyə çağırıb.
1992-ci il fevralın 25-dən 26-na keçən gecə erməni qüvvələri keçmiş sovet ordusunun 366-cı motoatıcı alayının hərbçiləri ilə birlikdə Xocalı şəhərini işğal edərək dinc sakinləri qətlə yetiriblər.
Nəticədə 106-ı qadın, 63-ü uşaq və 70-i yaşlı olmaqla 613 mülki şəxs öldürülüb. 1000 nəfər yaralanıb və 1275 nəfər əsir götürülüb. İndiyədək 150 sakin itkin düşmüş sayılır.
“Azərbaycan Respublikasına qarşı davam edən təcavüzün fonunda Ermənistan tərəfindən törədilmiş müharibə cinayətləri, insanlıq əleyhinə cinayətlər və soyqırım insan hüquqları və beynəlxalq humanitar hüququn, xüsusilə 1949-cu il Cenevrə Konvensiyaları, Soyqırım Cinayətinin Qarşısının alınması və Cəzalandırılması haqqında Konvensiya, Mülki və Siyasi Hüquqlar haqqında Beynəlxalq Pakt, İqtisadi, Sosial və Mədəni Hüquqlar haqqında Beynəlxalq Pakt, İşgəncələrə və Digər Qəddar, Qeyri-insani, yaxud Ləyaqəti Alçaldan Davranış və Cəza növlərinə qarşı Konvensiya, İrqi ayrı-seçkiliyin bütün formalarının Ləğv edilməsi haqqında beynəlxalq Konvensiya, Uşaq Hüquqları haqqında Konvensiya və İnsan Hüquqlarının və Əsas Azadlıqların müdafiəsi haqqında Konvensiyanın ciddi şəkildə pozulmasıdır”, - bəyanatda bildirilir.
Avropa İnsan Hüquqları Məhkəməsi 22 aprel 2010-cu il tarixli qərarında Xocalıda törədilmiş cinayətə münasibətdə hücumda iştirak edənlərin davranışını müharibə cinayətləri və ya insanlıq əleyhinə cinayətlərə bərabər tutulan hərəkətlər kimi qiymətləndirib.
15-dən çox dövlətin milli qanunvericilik orqanı, həmçinin İslam Əməkdaşlıq Təşkilatı Xocalıda dinc əhalinin qırğınının ən kəskin şəkildə pislənilməsi və Xocalı faciəsinin soyqırım və insanlıq əleyhinə cinayət aktı kimi tanınmasına dair çoxsaylı qətnamə və qərarlar qəbul edib.
Azərbaycan XİN beynəlxalq ictimaiyyəti Xocalıda dinc azərbaycanlı əhaliyə qarşı törədilmiş insanlıq əleyhinə cinayətləri və soyqırım aktını pisləməyə və tanımağa çağırır.—06D—
Siyasət
-
Avropa Şurası Parlament Assambleyasının siyasi məhbuslar üzrə baş məruzəçisi Torhildur Sunna Evarsdottir (İslandiya) və hüquq müdafiəçilərinin vəziyyəti üzrə baş məruzəçi Emanuelis Zingeris (Litva) Rüfət Səfərovun həbsinə reaksiya veriblər. Onların birgə bəyanatında deyilir:
-
Nazirlər Kabineti 4 dekabr 2024-cü il tarixində verdiyi qərara əsasən, qanın və onun komponentlərinin tədarükü, emalı, saxlanması və bölüşdürülməsi ilə məşğul olan qan xidməti müəssisələrinin siyahısına dəyişikliklər təsdiq edib.
-
Azərbaycan Respublikası Nazirlər Kabineti mühafizə olunmalı həyati əhəmiyyətli obyektlərin rəsmi siyahısına dəyişikliklər edərək, ölkənin su ehtiyatlarının idarəedilməsi strategiyası çərçivəsində qorunan obyektlərin əhatə dairəsini əhəmiyyətli dərəcədə genişləndirmişdir.
-
ABŞ-ın nüfuzlu senatoru Azərbaycan hakimiyyətini tanınmış hüquq müdafiəçisi Rüfət Səfərovu dərhal azad etməyə çağırıb, Turan-ın Vaşinqton müxbiri bildirib.
Rəy yaz