Azərbaycan XİN və Müdafiə Nazirliyi təxribatlara görə məsuliyyəti Ermənistanın üzərinə qoyur
Bakı/26.07.17/Turan: Azərbaycan Müdafiə və Xarici İşlər nazirlikləri birgə bəyanatla çıxış edərək Ermənistanın törətdiyi təxribatlara və Azərbaycana qarşı davam edən işğalın nəticələrinə görə məsuliyyətin Ermənistanın üzərinə düşdüyünü bildirib.
Bəyanatda deyilir ki, Azərbaycanın yaşayış məntəqələrinin və hərbi bölmələrinin atəşə tutulması nəticəsində ölənlər və yaralananlar var. Əsasən iyulun 4-də Füzuli rayonunun Alxanlı kəndinin atəşə tutulması nəticəsində bir uşaq və qadının həyatını itirməsi, iyulun 25-də Ermənistan Silahlı Qüvvələri tərəfindən döyüş təyinatlı pilotsuz uçuş aparatından istifadə olunaraq əldə hazırlanmış yandırıcı-partlayıcı və metal elementlərlə doldurulmuş mərmilərin Azərbaycan ordusunun mövqelərinə atılması göstərilir.
Qeyd olunur ki, erməni tərəfin təxribatları həmsədrlər və beynəlxalq ictimaiyyət tərəfindən səsləndirilən substantiv danışıqlara ciddi çağırışlar fonunda törədilir.
Münaqişəyə son qoymaq, sülh və əmin-amanlığı təmin etmək üçün Azərbaycanın işğal olunmuş ərazilərindən Ermənistan qoşunlarının çıxarılması mütləq şəkildə labüddür, bəyanatda deyilir. -0-
Siyasət
-
Azərbaycan Xalq Cəbhəsi Partiyasının fəalı Niyaməddin Əhmədov həbs cəzası çəkdiyi 7 saylı penitensiar müəssisədə aclıq elan edib. Bu barədə Azərbaycan Xalq Cəbhəsi Partiyasının məlumatında deyilir. Aclığa səbəb Əhmədovun karserə salınmasıdır.
-
Yanvarın 19-da Avropa İttifaqının Azərbaycandakı nümayəndə heyətinin rəhbəri Peter Mixalko və Avropa İttifaqı ölkələrinin səfirləri faciəvi hadisələrin 35-ci ildönümündə "Qara yanvar" qurbanlarının xatirəsini yad etmək üçün Şəhidlər Xiyabanını ziyarət ediblər.
-
ABŞ-ın seçilmiş prezidenti Donald Tramp öz komandasına yanvarın 20-də keçiriləcək inaqurasiyasından sonra Rusiya prezidenti Vladimir Putinlə telefon danışığı təşkil etməyi tapşırıb. Bu barədə CNN məsələ ilə tanış mənbələrə istinadən xəbər verib.
-
O dəhşətli gecədən 35 il keçdi, 19 yanvar - 20 Yanvar 1990-cı ildə sovet rəhbərliyinin əmrlərinə əməl edərək 35.000 nəfərlik ordu korpusu zorla Bakıya girdi. Bu təcavüzkar hərəkət mülki əhali arasında çoxsaylı itkilərə səbəb oldu və Azərbaycanın müstəqilliyi uğrunda mübarizədə faciəli bir fəsil oldu. Sovet ordusunun Bakıya işğalı artan milli azadlıq hərəkatını yatırmaq, xüsusən də 1990-cı ilin martına təyin olunmuş qarşıdan gələn parlament seçkilərini pozmaq məqsədi ilə təşkil edildi.
Rəy yaz