Açiq mənbələrdən foto.
Bakı/17.06.20/Turan: Azərbaycanda rəyi soruşulanların 44%-i onlarda Avropa İttifaqı ilə bağlı müsbət imicin formalaşdığını bildirib. 2016-cı ilin sorğusu ilə müqayisədə bu, 17% çoxdur. Bu barədə Avropa İttifaqının maliyyələşdirdiyi “Şərq qonşuları” layihəsinin altı ölkədə keçirilən sorğunun nəticələrinə dair hesabatında deyilir.
Araşdırma 2020-ci ilin fevral ayından mart ayına (COVİD-19 böhranına qədər) aparılıb. Hər ölkədə 1000 nəfər arasında sorğu aparılıb. Belə araşdırmalar 2016-cı ildən başlayaraq beşinci ildir ki, aparılır.
Rəyi soruşulanların 35%-i Aİ-yə neytral, 9%-i mənfi yanaşır. 12% isə Aİ haqqında heç vaxt eşitmədiyini və ya bilmədiyini deyib.
Aİ-nin daha mühüm dəyərlərinə münasibət bildirərkən rəyi soruşulanların 75%-i insan hüquqlarına tərəfdar olub, qanunun aliliyi və iqtisadi çiçəklənməyə 74%, dürüstlük və şəffaflıq, təhlükəsizlik və söz azadlığına 72% tərəfdar olub.
Rəyi soruşulanların 30%-i Aİ-nin Azərbaycana maliyyə dəstəyindən xəbərdar olduğunu bildirib. 76% bunu effektli sayıb.
Avropa İttifaqını tanıyanların 69%-i Aİ və Azərbaycan arasında münasibətləri yaxşı hesab edir.
Aİ inamın səviyyəsi 41% təşkil edib (2018-ci ildən 13% artıb). Halbuki, Avrasiya İqtisadi İttifaqına inam 26%-dir.
Rəyi soruşulanların 47%-i hesab edir ki, Aİ cəmiyyətdə ənənəvi dəyərlərin qorunmasına yardım edir, 52% hesab edir ki, Aİ gündəlik həyata nəzərəçarpacaq fayda gətirir, 42% əmindir ki, Aİ-yə inteqrasiya ölkənin təhlükəsizliyini və sabitliyini möhkəmləndirir.–71D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz