Bakı/11.08.17/Turan: 2016-cı ildə Azərbaycanda siyasi azadlıqlar olduqca məhdud qalıb. Hökumət fəalları həbs etməyə, hökuməti tənqid etmək və ya etiraz aksiyalarını təşkil etmək üçün sosial mediadan istifadə edənləri hədəfə almağa davam edib. Bu barədə bu gün açıqlanan "Vətəndaş cəmiyyəti təşkilatlarının davamlı inkişaf indeksi -2015 -Azərbaycan" hesabatında deyilir. Hesabat USAID (ABŞ Beynəlxalq İnkişaf Agentliyi) tərəfindən ekspert rəyi əsasında hazırlanıb.
2016-cı ilin sentyabrında Azərbaycan Konstitusiyasına dəyişiklik üzrə referendum keçirilib. Nəticədə dövlət başçısının səlahiyyətləri 5 ildən 7 ilədək artırılıb və birinci vitse-prezident postu yaradılıb.
Vətəndaş cəmiyyətinin fəalları düzəlişlərin beynəlxalq standartlara uyğun olmadığına dair mübahisə qaldırıblar. Beş fəal bununla bağlı Avropa Şurasına müraciət edib.
Həmçinin QHT-lərə qarşı cinayət işinin davam etdirildiyi göstərilib.
Azərbaycanın Beynəlxalq Açıq Hökumət Təşəbbüsündə statusu qeyri-aktiv edilib. Vətəndaş cəmiyyəti atmosferinin pisləşməsi neftin dünya qiymətinin enməsilə əlaqədar itqisadi problemlər fonunda baş verib.
QHT-nin "hüquqi mühit" reytinqi 7 ballıq sistem üzrə 6.4 bal səviyyəsində qalıb. QHT-lərin qeydiyyatı problemi qalır. Heç bir beynəlxalq donor və QHT yeni prosedur üzrə qeydiyyatı yeniləyə bilməyib.
"Təşkilati bacarıqlar" meyarı üzrə reytinq 5.7-dən 5.9-a endirilib. Belə ki, maliyyələşmə olmadığından QHT-lərin üçdə ikiyə qədəri işçilərə ödəniş etmək, ofisi saxlamaq və digər xərcləri ödəmək üçün vəsait çatışmazlığına görə öz fəaliyyətini dayandırmalı, ya da məhdudlaşdırmalı olub.
"Maliyyə imkanları" reytinqi də 6.3-dən 6.5-ə enib. Qeyd olunub ki, QHT-lərin yeganə maliyyələşmə mənbəyi dövlət fondlarıdır.
"İctimai vəkillik" reytinqi bir qədər yaxşılaşıb, 5.9-a qarşı 5.8 olub. QHT-lərin fəaliyyətinə senzura tətbiq edilməsi cəhdlərinə baxmayaraq, fəallar ictimai vəkilik üçün sosial mediadan istifadə edirlər. Eyni zamanda hakimiyyət hökumətyönlü QHT-lər üçün əlverişli şərait yaradıb.
Vətəndaş cəmiyyətinin "ictimai imici" üzrə göstərici pisləşib: 5.8 - 2015-ci ildə 5.7 olub. Bu, QHT-lər ətrafında mənfi atmosferin formalaşdırılması prosedurunun davamı, onların "beşinci kolon" kimi təqdim edilməsi ilə əlaqədardır.
Ölkədə vətəndaş cəmiyyəti təşkilatlarının davamlı inkişafı üzrə ümumi indeks 2016-cı ildə 5.9 təşkil edib (2014-cü ildə 5.8.) -06D-
Siyasət
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
-
“Abzas Media”nın həbsdə olan jurnalistlərinin yaxınları ilə telefon danışıqları 15 dəqiqədən 2 dəqiqəyə endirilib. Bu məhdudiyyət Bakıda COP29 beynəlxalq iqlim konfransının keçirilməsilə əlaqədardır.
Rəy yaz