Bakı/11.08.17/Turan: Türkiyə və Azərbaycan prezidentləri Rəcəb Tayyip Ərdoğan və İham Əliyev Ramil Quliyevi yüngül atletika üzrə Dünya Çempionatında qalib gəlməsi münasibətilə təbrik ediblər.
R.T.Ərdoğan Tvitterdəki bloqunda yazıb ki, Londonda keçirilən Dünya Çempionatında 200 metr məsafəyə qaçış üzrə qızıl medal qazanan Ramil Quliyevin qələbəsilə fəxr edir. Bundan əlavə, o, R.Quliyevə teleqram göndərib.
Öz növbəsində prezident İ.Əliyev R.Quliyevə müraciətində yazıb ki, tarixdə ilk dəfə olaraq azərbaycanlı idmançı yüngül atletika üzrə dünya çempionu olub.
"Sənin qələbən həm də Azərbaycan-Türkiyə dostluğu və qardaşlığının növbəti təzahürüdür. Biz Azərbaycanda səninlə fəxr edirik", - təbrik məktubunda deyilir.
Xatırladaq ki, əslən Bakıdan olan Ramil Quliyev 2011-ci ilədək Azərbaycanı təmsil edib. Sonradan onun ölkənin idman qurumlarının rəhbərləri ilə münasibətləri pozulub və o, Türkiyəyə gedib. -02D-
Siyasət
-
İsrailin Xarici İşlər Nazirliyinin Avrasiya bölməsinin direktoru Ronen Kraus bu ölkənin Azərbaycandakı yeni səfiri təyin edilib.
-
Azərbaycan Xalq Cəbhəsi Partiyasının (AXCP) Xəzər rayonu şöbəsinin fəalı Əlisahib Kərimov yanvarın 10-da Nizami metrostansiyasında saxlanılaraq Yasamal Rayon Məhkəməsinin qərarı ilə İnzibati Xətalar Məcəlləsinin polisin qanuni tələbinə tabe olmamaq maddəsi ilə günahlandırlaraq 30 sutka inzibati həbsə məhkum edilib.
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
Rəy yaz