Azərbaycanda "zərərli" məlumat yaymaq qadağan edilib

Bakı/17.03.20/Turan: Bu gün ölkə parlamenti "İnformasiya, informasiyalaşdırma və informasiyanın mühafizəsi haqqında" qanuna dəyişiklik edib. Dəyişikliyə əsasən, informasiya internet-resursunun sahibi bu resursda insanların həyat və sağlamlığına ziyan vurulmasına, əhəmiyyətli əmlak ziyanının törədilməsinə, ictimai təhlükəsizliyin kütləvi surətdə pozulmasına, həyat təminatı obyektlərinin, maliyyə, nəqliyyat, rabitə, sənaye, energetika və sosial infrastruktur obyektlərinin fəaliyyətinin pozulmasına və başqa ictimai təhlükəli nəticələrin baş verməsinə təhdid yaradan yalan məlumatlar yerləşdirilməsinə yol verməməlidir.

Bu əlavələr müzakirələrdən və parlament üzvlərinin səsverməsindən sonra qəbul edilib. Amma bu mətndən zərərli məlumat deyildikdə konkret olaraq nəyin nəzərdə tutulduğu aydın deyil.

Əslində güclü ictimai rezonans doğuran istənilən nəşr zərərli məlumat kimi təfsir edilə, sayt sahibi isə cəzalandırıla bilər.

Ekspertlərin fikrincə, ölkənin mövcud qanunvericiliyi internet sahəsini tənzimləməyə tamamilə imkan verir və əlavə sərtləşdirmə hakimiyyətin bu qədər ehtiyatlandığı şübhəli sensasiyaların nəşrinin qarşısını ala bilməyəcək. Bu cür materiallar sosial şəbəkələrə keçiriləcək ki, onları tənzimləmək, demək olar ki, qeyri-mümkündür, ekspertlər belə deyir. -02D-