Azərbaycanın azad jurnalistikası Ümumdünya Mətbuat Azadlığı Gününü qeyd edib

Ümumdünya Mətbuat Azadlığı Günü münasibətilə azad jurnalistikanın nümayəndələri və QHT təmsilçiləri 2005-ci il martın 2-də muzdlu qatil tərəfindən qətlə yetirlilmiş “Monitor” jurnalının baş redaktoru Elmar Hüseynovun məzarına gül dəstələri qoyublar.

Elmar Hüseynovun məzarına gül qoymaq yalnız mayın 3-də deyil, jurnalistika ilə bağlı digər əlamətdar günlərdə də ənənə halına alıb. Bunu “Turan” agentliyinin direktoru Mehman Əliyev Elmarın məzarına ziyarət zamanı keçirilən ənənəvi mitinqdə bildirib.

Onun sözlərinə görə, nə  Freedom House-un hesabatları, nə də “Sərhədsiz reportyorlar” hər gün söz azadlığının boğulması ilə üzləşən Azərbaycan jurnalistlərinin hansı ağrılar yaşadığını çatdıra bilməz.

“Azad mətbuat darmadağın edilib, praktik olaraq bütün media pulla alınıb, ayrı-ayrı oliqarx qruplarının maraqlarına xidmət edir”, - M.Əliyev vurğulayıb.

Ayrı-ayrı qruplar tərəfindən daxili mübarizədə media qurumlarından istifadə etmək jurnalistikada yeni tendensiyaya çevrilib. “Buna sübutlar var”, - o qeyd edib.

Reportyorların Azadlıq və Təhlükəsilzik İnstitutunun rəhbəri Emin Hüseynov “Zerkalo”qəzetinin şərhçisi Rauf Mirqədirovun həbsi və bu qəzetin gündəlik nəşrinin dayandırılması fonunda vəziyyəti acınacaqlı adlandırıb.

E.Hüseynovun sözlərinə görə, son il ərzində institut bütün istiqamətlərdə, əsasən söz azadlığı, jurnalistlərin təqib olunması ilə bağlı vəziyyətin pisləşdiyini qeydə alıb.

2014-cü ilin əvvəli üçün ölkədə 11 jurnalist və bloger həbsdədir. Bunu Media Hüququ İnstitutunun koordinatoru Xalid Ağəliyev bildirib. O, son ildə blogerlərin sosial şəbəkələrinə görünməmiş təzyiqlərin olduğunu deyib.

 “Freedom House” beynəlxalq hüquq-müdafiə təşkilatı dünya üzrə mətbuat azadlığı reytinqdə Azərbaycanı 183-cü yerə qoyub.

KİV İnternet, jurnalist və blogerlərin  korrespondensiyası üzərində hökumət nəzarətinin  gücləndirilməsi, saytların bloklanması, “Azad Avropa/”Azadlıq” radiosunun peyk yayımına  müdaxilə üzündən gələcəkdə tənəzzülə uğrayar, sənəddə deyilir.

Bütün çıxışlarda bir fikir səslənib ki, Azərbaycan jurnalistlərinin ağır vəziyyətinə baxmayaraq, İnternetin inkişafı üzrə dünya tendensiyaları, yeni informasiya texnologiyaları və informasiya cəmiyyətləri nikbinliyə ümid yaradır. –0—