Azərbaycanlı deputatlar AŞPA-da səslərin pulla alınmasında ittiham olunurlar

Avropa Şurası Parlament Assambleyası sədrinin keçmiş müavini, italiyalı deputat Luka Volonte “Ştrasserin siyahısı” üzrə Azərbaycan hökumətinin xeyrinə səsverməyə görə 2,39 mln. avro almaqda ittiham olunub.  İtaliyanın İl Fatto qəzetində dərc edilən məqalədə bildirilir ki, Milan prokurorluğu fakt üzrə cinayət işi qaldırıb.

Korrupsiya və çirkli pulların yuyulmasına dair iş üzrə ittihamnaməyə əsasən Azərbaycanın xeyrinə səsvermə AŞPA sədrinin müavini və İtaliya Şurası üzvlərinin “xarici dövlətin siyasi mövqeyini” dəstəkləmək üçün  milyonlarla  dollar almasının nəticələrindən biridir.

AŞPA-nın siyasi məhbuslar üzrə xüsusi məruzəçisi Kristofer Ştrasser Azərbaycanda həbsdə olan və siyasi məhbus kimi müəyyən edilən 85 nəfərin siyahısını hazırlayıb. Azərbaycan hakimiyyəti bu sənədi tanımayıb və “Ştrasserin siyahısı”nın təsdiqlənməməsi üçün mümkün olan hər şeyi edib.

2013-cü il yanvarın 23-də AŞPA-da səsvermə zamanı bu siyahı 79 lehinə, 128 əleyhinə səslə qəbul edilməyib.

Pullar Azərbaycanda Baktelekom MMC şirkətinin adından LGV и və Novae Terrae Foundation şirkətinin hesabına köçürülüb. 

 2012-2014-cü illərdə Britaniyanın Polux Management LP və Polux management lp və lp Hilux şirkətlərinin adından Estoniyanın Danske Bank filialı vasitəsilə 18 transfert edilib.

  Volonte “Azərbaycan hökumətinin maraqları üçün öz ictimai funksiyasını həyata  keçirməkdən ötrü AŞPA-da azərbaycanlı deputatlar Elxan Süleymanov və Müslüm Məmmədov, həmçinin tanınmamış azərbaycanlı siyasətçilərdən “özü və üçünçü şəxslər üçün” rüşvət almaqda ittiham olunur.

Volontenin vəkilləri  irəli sürülən ittihamları əsassız hesab edirlər. Vəkillər Pistoçini Alessandro  və Domeniko Pulitano ümid edirlər ki, onların gördükləri iş lazımsız prosesin qarşısının alınmasına imkan verəcək.

Azərbaycan CM-in 12.1 maddəsinə görə, Azərbaycan Respublikasının vətəndaşları və Azərbaycan Respublikasında daimi yaşayan vətəndaşlığı olmayan şəxslər Azərbaycan Respublikasının hüdudlarından kənarda törətdikləri əmələ (hərəkət və ya hərəkətsizliyə) görə, bu əməl həm Azərbaycan Respublikasının, həm də ərazisində törədildiyi xarici dövlətin qanunvericiliyinə əsasən cinayət sayılırsa və bu cinayətə görə həmin şəxslər xarici dövlətdə məhkum olunmamışlarsa, bu Məcəllə əsasında cinayət məsuliyyətinə cəlb edilirlər.

CM-in 312.2-ci maddəsi - vəzifəli şəxs tərəfindən bilə-bilə qanunsuz hərəkətlər (hərəkətsizlik) etməyə görə ona rüşvət vermə və ya təkrar rüşvət vermə iki min manatdan (2550 dollar) dörd min manatadək (5110 dollar) miqdarda cərimə və ya əmlakı müsadirə olunmaqla dörd ildən səkkiz ilədək müddətə azadlıqdan məhrumetmə ilə cəzalandırılır.

Azərbaycan hüquq-mühafizə orqanları İtaliya prokurorluğunun ittihamını şərh etmirlər.—0-