Azərbaycanlı deputatlar erməni həmkarlarından varlı, gürcü həmkarlarından kasıbdır
Bakı/04.05.18/Turan: Mayın 1-dən Azərbaycan Milli Məclisinin deputatlarının əməkhaqları artırılıb. Büdcədən maliyyələşən digər işçilərin orta aylıq əməkhaqqı (540 manat) ilə müqayisədə bu, onsuz da çox idi.
Bundan sonra Milli Məclisin sədri 2475 manat (indiyə qədər 2250), onun birinci müavini 2227 manat (2015 olub), MM sədrinin müavinləri 2103 manat (öncə 1912.5 manat) alacaq. Komitə sədrləri 1980 manat (1800 olub), komitə sədrlərinin müavinləri 1856 manat, sıravi deputatlar 1732 manat (1575 idi) alacaqlar.
Turan Azərbaycan deputatlarının əməkhaqqını qonşu ölkələrin parlamentindəki aylıq maaşlar ilə müqayisə edib.
Gürcülər azərbaycanlı həmkarlarına nisbətən daha çox alır. Gürcü deputatın minimal əməkhaqqı 3790 lari (2828 manat) təşkil edir. Ancaq vəzifəsindən asılı olaraq, deputat maaşı və əlavə 3905 laridən (2707 manat) 5905 lariyədək (4094 manat) artır.
Ermənistan Mill Məclisinin deputatlarının durumu açınacaqlı görünür. Deputatlar ayda 345 min dram (1225 manat) alır. Ancaq iclaslarda iştirak etməyən deputatlardan hər günə görə 30 dram (105 manat) tutulur. Azərbaycanda deputatların işə gəlməməsi cibə təsir göstərmir.
Bu il Ukrayna Radasının deputatları da öz əməkhaqlarını artırıblar, ancaq azərbaycanlı həmkarlarının səviyyəsinə çatmayıblar. Belə ki, Ali Radanın spikeri özünə 18 528 qriven (1202 manat) təyin edib. Onun birinci müavini 17 756 qrn. (1152 manat), müavin 16 984 qrn. (1102 manat), komitə üzvü 15 440 qrn. (1002) alacaq. Bu maaşlar əlavə və mükafatlar nəzərə alınmadan hesablanır.
Ən yaxşı təmin olunanlar rusiyalı deputatlardır. Dövlət Dumasının deputatlarının rəsmi əməkhaqqı ayda 400 min rubl (10720 manat) təşkil edir. Bundan əlavə, görülən işə görə rüblük mükafatlar var. Müxtəlif mənbələrə görə, bu rəqəm 60- 81 min rubl arasında dəyişir (1608-2171 manat).
Rusiyada deputatların əməkhaqqı sadə rusiyalının orta əməkhaqqından 13 dəfə çoxdur.
Qeyd edək ki, Almaniyada bu rəqəm iki dəfə fərqlənir, ABŞ-da isə deputatın maaşı ölkə üzrə orta əməkhaqqından 3 dəfə çoxdur. ABŞ Konqresinin hər bir üzvü ildə $174 min alır. Prezident Obamanın vaxtında deputatlar əməkhaqlarının az olduğundan şikayətlənirdilər. Onların sözlərinə görə, bu pula paytaxtda yaxşı yaşamaq mümkün deyil.-0-
-
- Bazarların icmalı
- 4 May 2018 11:32
Siyasət
-
Rusiya Xarici Kəşfiyyat Xidmətinin rəhbəri Sergey Narışkin Qərbin Azərbaycan və Cənubi Qafqaz ölkələrinə qarşı maxinasiyaları haqqında bəyanatlarından sonra Mərkəzi Asiya ölkələrini də bununla qorxutmağa başlayıb.
-
Oktyabrın 70də Müsavat Partiyası Divanının növbəti iclası keçirilib. Partiyanın mətbuat xidmətinin məlumatına görə, iclasda Müsavat sədri İsa Qəmbərin və məclis sədri Arif Hacılının Portuqaliyanın Lissabon şəhərində Avropa Liberal Demokrat Partiyasının (ALDE) konqresində iştirakı və keçirilən görüşlər yüsək qiymətləndirilib.
-
RF prezidenti Vladimir Putin oktyabrın 8-də MDB Dövlət Başçıları Şurasının iclasından əvvəl Azərbaycan prezidenti İlham Əliyev və Ermənistan baş naziri Nikol Paşinyanla görüşəcək. KİV-in yaydığı məlumata görə, bu barədə RF prezidentinin köməkçisi Yuri Uşakov bildirib.
-
Ötən həftə ərzində - sentyabrın 30-dan oktyabrın 6-na qədər azad olunan ərazilərdə 73 tank əleyhinə mina, 159 piyada əleyhinə mina, 415 partlamamış hərbi sursat (PHS) aşkarlanıb və zərərsizləşdirilib, xəbəri Azərbaycan Minatəmizləmə Agentliyi (ANAMA) yayıb.
Rəy yaz