Suriyanın İslam Əməkdaşlığı Təşkilatına üzvlüyü dayandırılıb. Bu qərar gözlənildiyi kimi, təşkilatın dünən Məkkədə başa çatan fövqəladə sammitində qəbul edilib. Görüş iştirakçıları Suriyada qan axıdılmasına görə günahı rəsmi Dəməşqin üzərinə qoyublar, amma vəziyyətə güclə müdaxilə ideyasını dəstəkləməyiblər.
Sammitə Suriya hökuməti və müxalifətinin nümayəndələri dəvət olunmamışdı. İran Suriyanın İƏT-dən çıxarılmasının əleyhinə çıxıb. Azərbaycan ölkənin çıxarılmasının lehinə səs verib.
İran prezidenti bu qərara mane olmağa cəhd edib və beynəlxalq müsəlman məhkəməsi yaratmağa çağırıb, lakin onun ideyası dəstək tapmayıb.
Suriyanın təşkilatdan çıxarılması haqqında qərar rəmzi xarakter daşıyır və münaqişənin nəticəsinə ciddi təsir göstərməyəcək. Bununla belə, qərar Suriyanın müsəlman dünyasında gələcək təcridini göstərir. Ölkə artıq Ərəb Dövlətləri Liqasından çıxarılıb. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz