Bakı Moskva ilə münasibətləri gərginləşdirir?

Bakı/28.11.17/Turan: Rusiyanın Azərbaycanda yeni səfiri namizədləri ilə bağlı tərəflər razılıq əldə edə bilmədikdən sonra Bakı və Moskva arasında gərginlik yaranır.

Rusiyalı politoloq Denis Korkordinovun fikrincə, bu, rəsmi Bakının Moskvanın Azərbaycanın ərazi bütövlüyünün bərpası prosesinə narazılığını göstərə bilər.

2017-ci il noyabrın 28-də Azərbaycan XİN Rusiya tərəfə RF-nin Azərbaycandakı səfiri namizədliyi hələ 5 iyul 2017-ci il tarixində Dövlət Dumasının MDB işləri üzrə Komitəsi tərəfindən təsdiq edilmiş Georgi Zuyev üçün razılıq verməkdən imtina edib. "İmtina üçün, guya, rusiyalı diplomatın ermənipərəst mövqeyi əsas olub. Amma Azərbaycan mənbələri öz fikirlərini əsaslandırmaq üçün Georgi Zuyevin nə vaxtsa Azərbaycanın ərazi problemlərinə düşməncə yanaşmasının və ya rəsmi Bakıya və onun vətəndaşlarına qarşı açıq-aşkar düşmən mövqe sərgiləməsinin heç bir obyektiv dəlil təqdim etməyiblər", deyə Korkordinov sosial şəbəkədə bildirir.

Bundan başqa, Georgi Zuyev diplomatik fəaliyyəti ərzində həmişə beynəlxalq hüquq və iş etikası normalarını rəhbər tutub, onlara əsasən xarici dövlətlərin suveren hüquqlarına qanunsuz müdaxilə tamamilə yolverilməzdir.

Bununla əlaqədar olaraq, rəsmi Bakının Georgi Zuyevə qarşı irəli sürdüyü ittihamlar, ən azından, siyasi cəhətdən qərəzli görünür. Beynəlxalq normalar və Azərbaycan və Rusiya arasında mövcud protokol ilə əlaqədar Rusiyalı diplomatın bu ittihamlarla əlaqəsi ola bilməz.

Azərbaycan tərəfin imtinası Moskvanın Cənubi Qafqaz ərazisində irimiqyaslı hərbi münaqişələrin həllinə yol verilməməsi mövqeyini əks etdirən "Rusiyapərəst lobbi"ni Bakıdan sıxışdırıb çıxarmaq niyyəti ilə əsaslandırıla bilər, politoloq belə hesab edir.

Belə ki, Korkordinovun fikrincə, 2017-ci ilin iyul-avqust aylarından etibarən Azərbaycan KİV-ləri Bakı ərazisində fəaliyyət göstərən Rusiyayönlü ekspert birliyinin nümayəndələri ilə əməkdaşlığı, demək olar ki, kəsib. Azərbaycanın informasiya məkanından bu şəkildə sıxışdırılıb çıxarılma əsasən ilk növbədə Vaşinqtonun Cənubi Qafqazla bağlı xarici siyasi strategiyasına yönəlmiş "Qərbyönlü lobbi"nin fəallaşması nəticəsində mümkün olub.

Bu "Qərbyönlü lobbi"nin nümayəndələri əsasən müstəsna məqsəd kimi Dağlıq Qarabağın işğaldan azad edilməsi üzrə təciri hərbi kampaniya təşkil edilməsi zərurəti haqqında sabit ictimai rəy formalaşdırmağa xidmət edir. Bu zaman, Qərbyönlü ekspert birliyinin fikrincə, Dağlıq Qarabağ regionunun və ona bitişik ərazilərin "işğalçıs" olan əsas dövlət Rusiya Federasiyasıdır, Ermənistan ona birbaşa tabedir. Beləliklə, Georgi Zuyevin namizədliyinin qəbul edilməsindən imtina onun a priori ola bilməyəcəyi "ermənipərəstliyindən" daha çox, onun Rusiyanı təmsil etməsi ilə bağlıdır, deyə Denis Korkordinov iddia edir. -0-