Bakı/22.02.18/Turan: Dünən Bakıda Hökumətlərarası Qarşılıqlı Anlaşma Memorandumu əsasında 8 avqust 2017-ci il tarixində yaradılmış Energetika sahəsində Türkmənistan-Azərbaycan İşçi Qrupunun birinci iclası keçirilib.
Azərbaycan nümayəndə heyətinə XİN başçısının müavini Xələf Xələfov, Türkmənistan tərəfə isə Xəzər Dənizi məsələləri üzrə Dövlət Müəssisəsinin sədri Murad Atacanov başçılıq edib.
Türkmənistan mənbələrinin məlumatına görə, tərəflər iki ölkə arasında energetika sahəsində əməkdaşlığın bərabərlik və qarşılıqlı səmərəlilik prinsipləri əsasında inkişafı perspektivlərini müzakirə ediblər. Tərəflər qeyd ediblər ki, ötən ilin sonlarında Moskvada "Xəzər dənizinin hüquqi statusu haqqında Konvensiya" layihəsinin razılaşdırılması Xəzəryanı dövlətlərin Xəzərdəki əməkdaşlığının inkişafına xidmət edəcək.
Tərəflər həımçinin Xəzərin dibinin Azərbaycan və Türkmənistan arasında bölünməsi ilə bağlı digər məsələləri müzakirə ediblər.
İki dövlətin yüksək energetika potensialını nəzərə alaraq, iclas iştirakçıları dənizdə birgə energetika layihələrinin həyata keçirilməsi üçün Xəzər üzrə müqavilə-hüquq bazasının təkmilləşdirilməsi haqqında fikir mübadiləsi aparıblar. Tərəflər növbəti iclası Türkmənistanda keçirmək barədə razılığa gəliblər. -02D-
Siyasət
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
-
ABŞ Prezidenti Donald Tramp cümə günü Ukraynadakı müharibənin dayandırılması üçün danışıqların davam etdiyini, münaqişənin həllinə sadiq qaldığını, lakin bunun çətinliklərlə dolu olduğunu etiraf etdi.
Rəy yaz