Bakı/09.03.18/Turan: Azərbaycanın və Gürcüstanın müdafiə nazirləri cümə günü Bakıda 2018-ci il üçün hərbi əməkdaşlıq planını imzalayıblar. Bu barədə Azərbaycan Müdafiə Nazirliyinin mətbuat xidməti məlumat yayıb.
Nazirlər Zakir Həsənov və Levan İzoriya görüşdə silahlara nəzarət sahəsində əməkdaşlıq məsələlərini müzakirə ediblər. Onlar həmçinin hərbi, hərbi-texniki, hərbi-təhsil, hərbi-tibbi sahələrdə əməkdaşlıq perspektivlərinə, birgə hərbi təlimlərin keçirilməsi, işgüzar görüşlərin təşkili və digər məsələlərə də toxunublar.
Həsənov Azərbaycan və Gürcüstan arasında ikitərəfli hərbi əməkdaşlığın, NATO çərçivəsində, habelə Azərbaycan, Türkiyə və Gürcüstan hərbi qurumlarının əməkdaşlığı formatında əməkdaşlığın genişləndirilməsinin əhəmiyyətini qeyd edib. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz