![president.az](https://turan.az/resized/media/2021/main/122200042653-750-500-resize.webp)
president.az
Bakı və Tehran regionda kommunikasiyaların açılmasının üstünlüklərini qiymətləndiriblər
Bakı/23.12.21/Turan: Dekabrın 22-də Azərbaycan prezidenti İlham Əliyev İran İslam Respublikasının xarici işlər naziri Hüseyn Əmir Abdullahianın rəhbərlik etdiyi nümayəndə heyətini qəbul edib.
Bu yaxınlarda Aşqabadda İran prezidenti Seyid İbrahim Rəisi ilə görüşünü xatırladan Əliyev qeyd edib ki, görüşdə gələcək əməkdaşlıqla bağlı bir çox məsələlər müzakirə olunub və Azərbaycan-İran dostluq əlaqələri bir daha təsdiqlənib. Öz növbəsində Abdullahian Aşqabad görüşünü "iki ölkə arasında münasibətlərdə dönüş nöqtəsi" adlandırıb.
Söhbət zamanı siyasi, iqtisadi, energetika, nəqliyyat, humanitar və digər sahələrdə əməkdaşlığın genişləşdirilməsi üçün birgə səylərin davam etdirilməsinin vacibliyi vurğulanıb.
Azərbaycanın xarici işlər naziri Ceyhun Bayramovla danışıqlar zamanı nazirlər Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə uğurlu əməkdaşlığı müzakirə ediblər.
Həmçinin tərəflər regionda mövcud vəziyyət, yeni reallıqların yaranması və münaqişədən sonra əməkdaşlıq imkanları, o cümlədən 3+3 məsləhət mexanizminin gələcək perspektivləri, regionda kommunikasiyaların açılmasının üstünlükləri və digər mövzular barədə fikir mübadiləsi aparıblar. Nazirlər qarşılıqlı maraq doğuran digər məsələləri də müzakirə ediblər.- 06B-
-
- Cəmiyyət
- 22 Dekabr 2021 23:34
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz