Photo TURAN.
Bakı/04.10.23/Turan: Oktyabrın 3-də Almaniyanın Azərbaycandakı səfirliyi bu ölkənin milli bayramı - Alman Birliyi Günü münasibətilə təntənəli qəbul təşkil edib.
Almaniya səfiri Ralf Horleman Berlinin Azərbaycan və Cənubi Qafqazla bağlı siyasətinə toxunub. O, regionda sülhün vacibliyini qeyd edib.
“Almaniya və Avropa İttifaqı Cənubi Qafqazda sülhün olması üçün çalışır. Biz Cənubi Qafqaza sülhün gələcəyinə inanırıq", - o deyib.
O, Azərbaycanla Almaniya arasında dostluq münasibətlərinin inkişafını da qeyd edib.
Öz növbəsində energetika nazirinin müavini Elnur Soltanov deyib ki, Azərbaycan Almaniya ilə ikitərəfli münasibətlərin inkişafına mühüm əhəmiyyət verir. İki ölkə arasında münasibətlər qarşılıqlı etimad və hörmətə əsaslanır.
Onun sözlərinə görə, hazırda Azərbaycanda iqtisadiyyatın müxtəlif sahələrində Almaniyanın 200-dən çox şirkəti fəaliyyət göstərir
O qeyd edib ki, iki ölkə arasında əmtəə dövriyyəsi 1,1 milyard ABŞ dollarına çatıb. 16B06
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz