Bakıda Britaniya Kralı III Çarlzın doğum günü qeyd olunub

Bakı/23.06.23/Turan: İyunun 22-də Bakıda Britaniya Kralı III Çarlzın doğum günü qeyd olunub.

Böyük Britaniyanın Azərbaycandakı səfiri Fergus Auld Bakıda Böyük Britaniya kralı III Çarlzın rəsmi ad günü münasibətilə keçirilən tədbirdə bildirib ki, bu il hər iki ölkə, xüsusən də ikitərəfli münasibətlər üçün bir çox hadisələrlə yadda qalıb.

Onun sözlərinə görə, Azərbaycan ilə Böyük Britaniya arasında siyasət və iqtisadiyyat sahələrində strateji əlaqələr mövcuddur.

"Azərbaycan Böyük Britaniya ilə əlaqələri daha da inkişaf etdirmək niyyətindədir. Bu baxımdan iki ölkə arasında tərəfdaşlıq və əməkdaşlıq haqqında sazişin tezliklə imzalanması çox vacibdir", deyə o deyib.

"Ötən il Britaniya səfirliyi Britaniya şirkətlərinə Azərbaycanda qeyri-enerji sektorunda 200 milyon funtsetrlinq dəyərində sövdələşmələr etməsinə kömək edib ki, bu, kənd təssərüfatı texnologiyalar, minalardan təmizlənmə və s. sahələri əhatə edir.

Bu il Britaniyanın Azərbaycana minatəmizlımə sahəsində yardımı (indiyə qədər olan) 1 milyon funt sterlinqi keçib, Azərbaycandan 22 hərbçi britaniyalı trenerlərin keçdiyi təlimlərdə iştirak edib", deyə o qeyd edib.

Səfir deyib ki, Britaniya Azərbaycanın Qadınlar, Sülh və Təhülkəsizlik ilə bağlı Milli Fəaliyyət Planının qəbulunu səbirsizliklə gözləyir.

Səfir Fergus Auld iki ölkə arasında təhsil sahəsində uğurlu əməkdaşlığı vurğulayaraq deyib ki, dövlət proqramı çərçivəsində 170-dən çox azərbaycanlı tələbə Britaniyanın 35 univesitetində təhsil alır.

Tədbirdə Azərbaycanın energetika naziri Pərviz Şahbazov da çıxış edib.

O, çıxışında Böyük Britaniyanın Azərbaycandakı səfiri Fergus Auldun Azərbaycan dilində danışmasını alıqşlayıb.

Bundan sonra o qeyd edib ki, Cənub Qaz Dəhlizi Azərbaycan və Britaniyanın qlobal enerji təhlükəsizliyinin təmin edilməsinə birgə töhfəsidir.

"Bizim enerji sahəsində əməkdaşlığımız qlobal enerji təhlükəsizliyində mühüm rol oynayır. Biz 1994-cü ildə "Əsrin müqaviləsi"nin imzalanması ilə təməli qoyulan enerji əməkdaşlığı layihələrimizin uğurla həyata keçirilməsini təmin etmişik. Bu gün biz BP şirkəti ilə yaşıl enerji, dekarbonizasiya sahəsində əməkdaşlığımızı genişləndiririk", deyə nazir bildirib.

Şahbazovun sözlərinə görə, Britaniya Azərbaycanda 34 milyard sərmayə ilə ən böyük xarici investordur.

"Biz yaşıl enerjiyə keçid istiqamətində BP ilə işləyirik və bu əməkdaşlıq məmnunluq doğurur. Britaniya şirkətləri azad olunan torpaqlarımızda minalardan təmizləmə və şəhər planlaşdırmasında işləyir, bizlə əməkdaşlıq edir. Ölklərimiz arasında yaxın zamanda Tərəfdaşlıq və Əməkdaşlıq sazişinin imzalanması vacibdir", deyə nazir vurğulayıb. 16D