Azərbaycanda müxtəlif xidmətlərin xüsusi təyinatlı qüvvələrinin sayı dəfələrlə artırılıb

Bakı/23.06.23/Turan: Müdafiə Nazirliyinin Xüsusi Təyinatlı Qüvvələrinin sayı xeyli artırılıb. Bu barədə Azərbaycan prezidenti İlham Əliyev iyunun 23-də Müdafiə Nazirliyinin komando hərbi hissələrinin birinə Döyüş bayrağının təqdim olunması mərasimində çıxışı zamanı deyib.

O, son vaxtlar Müdafiə Nazirliyinin xüsusi təyinatlı qüvvələrinin sayının bir neçə dəfə artırıldığını deyib.

Müharibə dövründə (İkinci Qarabağ müharibəsi) Müdafiə Nazirliyinin xüsusi təyinatlı qüvvələri xüsusi qəhrəmanlıq və peşəkarlıq göstərib, deyə Əliyev qeyd edib.

Bu zaman o qeyd edib ki, Müdafiə Nazirliyinin dəniz piyadalarının sayının bir neçə dəfə artırıldığını və "bu artımın davam edəcəyini" vurğulayıb.

"Dövlət Sərhəd Xidməti, Daxili Qoşunlar, Dövlət Təhlükəsizliyi Xidməti, Xarici Kəşfiyyat Xidməti - bu qurumların xüsusi təyinatlı qüvvələrinin sayı dəfələrlə artırılıb", deyə Əliyev bildirib.

O qeyd edib ki, "bu böyük qüvvə ərazimizin qorunması, ərazi bütövlüyümüzün təmin edilməsi, təhlükəsizliyimizə təhdid olarsa, düşmən qüvvələrə sarsıdıcı zərbələrin endirilməsi məqsədi güdür". 16D