Noyabrın 1-də Bakıda Hökumət Rabitəsi üzrə MDB Koordinasiya Şurasının 21-ci iclası keçirilib. İclasda MDB ölkələrinin xüsusi xidmət orqanlarının şifrələmə və qapalı rabitə xidmətlərinin nümayəndə heyətləri iştirak ediblər.
Azərbaycan MTN-in mətbuat xidmətinin verdiyi məlumata görə, iclasda qurumun rəhbəri Eldar Mahmudov çıxış edib.
Tədbir iştirakçıları dövlətlərarası hökumət, idarələrarası qapalı rabitə sistemləri və şifrələmə vasitələri üzrə elmi-texniki nailiyyətlərin tətbiqi, müvafiq ixtisaslı kadrların hazırlanması, səmərəli əməkdaşlığın fəallaşdırılması və genişləndirilməsi yolları, qarşılıqlı əməliyyat məlumatı mübadiləsi və maraq doğuran digər məsələlər ətrafında müzakirələr aparıblar.
İclasın yekunlarına görə protokol imzalanıb, KŞ gələn il üçün fəaliyyət planı təsdiq edilib, tədbirlər planı razılaşdırılıb. KŞ-nin növbəti iclası 2013-cü ildə Özbəkistanda keçiriləcək. -02D-
Siyasət
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
-
İran ABŞ-ın sərhəd nəzarətində ixtisaslaşmış işçi qrupunun Ermənistana planlaşdırılan səfəri ilə bağlı heç bir narahatlıq ifadə etməyib. Bu barədə Ermənistanın xarici işlər nazirinin müavini Paruyr Hovhannisyan parlamentdə jurnalistlərə açıqlama verib.
-
Yanvarın 24-də Xətai Rayon Məhkəməsi “Meydan” TV-nin jurnalisti Aysel Umudovanın ev dustaqlığına buraxılması barədə vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz