Demokratik Qüvvələrin Məşvərət Məclisi (DQMM) aksiya keçirilməsinə dair Bakı meriyasının verdiyi cavabla bağlı cümə axşamı növbədənkənar toplantı keçirib. Bu haqda Turan-a DQMM-dən məlum olub.
Bakı meriyasının aksiya keçirilməsi üçün “20-ci sahə”ni göstərməsi məqbul sayılmayıb. Bununla bağlı DQMM bəyanat qəbul edib. Həm də qurum Bakı meriyasının sərbəst toplaşma azadlığını məhdudlaşdırdığına görə noyabrın 7-də meriya önündə piket keçirmək haqqında qərar qəbul edib.
Bundan əlavə, şəhərin mərkəzi hissəsində (Azadlıq meydanı, Hüseyn Cavid bağı, Səməd Vurğun bağı, Nərimanov kinoteatrının qarşısındakı meydan, Təbriz kinoteatrının qarşısındakı meydan) aksiya keçirmək üçün yenidən müraciət hazırlanması qərara alınıb. Sərbəst toplaşmaq azadlığını məhdudlaşdırdığına görə DQMM Bakı meriyasını məhkəməyə verməyə hazırlaşır.
Bundan əlavə, DQMM beynəlxalq qurumlara, ATƏT-ə üzv ölkələrə Azərbaycanda sərbəst toplaşmaq azadlığının qadağan olunması haqda müraciət ünvanlayıb. Sənəddə rəsmi Bakının icazəsiz aksiyalarda iştiraka görə cəriməni fantastik həddə qaldırması faktiki aksiyaların qadağan olunması kimi dəyərləndirilir. Müəlliflər demokratik dünyanı Azərbaycanda insan haqlarının pozulmasına və o cümlədən sərbəst toplaşmaq azadlığının qadağan olunmasına birmənalı münasibət və mövqe ifadə etməyə çağırırlar.
DQMM 2012-ci ilin sentyabrında 12 partiya tərəfindən təsis edilib. -05B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz