Batumidə Azərbaycan, Gürcüstan və Türkiyə müdafiə nazirlərinin görüşü olacaq
Batumidə Azərbaycan, Gürcüstan və Türkiyə müdafiə nazirlərinin görüşü olacaq (yenilənib)
Azərbaycanın müdafiə naziri Zakir Həsənov Batumidə keçiriləcək Azərbaycan, Gürcüstan və Türkiyə müdafiə nazirlərinin 11-ci üçtərəfli görüşündə iştirak etmək üçün Gürcüstana gedib, Müdafiə Nazirliyinin mətbuat xidməti bildirib.
Görüş zamanı ikitərəfli və üçtərəfli formatlarda hərbi əməkdaşlıq perspektivlərinin, həmçinin regional təhlükəsizlik məsələlərinin müzakirəsi planlaşdırılır.
Üçtərəfli görüşdən əvvəl Gürcüstan və Azərbaycan hərbi idarələrinin rəhbərləri arasında danışıqlar aparılıb.
İkitərəfli hərbi əməkdaşlıq, birgə təlimlərin keçirilməsi, terrorizmə qarşı mübarizə və regional təhlükəsizlik məsələləri müzakirə olunub.
Bu gün Zakir Həsənovun Türkiyənin müdafiə naziri Yaşar Gülər ilə görüşü olub.
İkitərəfli görüşdə birgə təlimlərin, təcrübə mübadiləsinin intensivliyinin artırılması, regionda və dünyada mövcud hərbi-siyasi proseslər, bölgədə dayanıqlı sülhün və sabitliyin təmin edilməsi yolları, həmçinin qarşılıqlı maraq doğuran müxtəlif məsələlər haqqında ətraflı fikir mübadiləsi aparılıb.
Siyasət
-
Qərb Zaqafqaziyada xaos yaratmağa çalışır, region ölkələri bu cəhdlərə qarşı mübarizə aparmalıdırlar. Bu barədə bazar ertəsi RF XİN-in rəsmi nümayəndəsi Mariya Zaxarova bildirib.
-
Dünyanın 70-dən çox ölkəsindən olan yüksək rütbəli zabitlər 7-12 oktyabr 2024-cü il tarixlərində keçiriləcək dünyanın müharibə aparılması qaydalarına həsr olunmuş ən böyük seminarı olan "Hərbi əməliyyatların idarə olunmasına dair beynəlxalq qaydalara həsr olunmuş Seminar"ın (SWIRMO) 17-ci buraxılışında iştirak etmək üçün Bakı, Azərbaycanda toplaşıb. Tədbir Beynəlxalq Qızıl Xaç Komitəsi (BQXK) və Azərbaycan Respublikası Müdafiə Nazirliyinin təşkilatçılığı ilə keçiriləcək.
-
Azərbaycan hökuməti tərəfindən görülmüş mərhələli və koordinasiyalı tədbirlər nəticəsində Suriyadan 6, İraqdan 2 Azərbaycan vətəndaşının repatriasiyası həyata keçirilib.
-
Oktyabrın 7-də Moskvada MDB ölkələrinin XİN başçılarının iclası keçirilir. Ermənistan və Azərbaycanın xarici işlər nazirləri Ararat Mirzoyan və Ceyhun Bayramov bu iclasda iştirak edirlər. Lakin nazirlərin ikitərəfli görüşü planlaşdırılmır.
Rəy yaz