Qazaxıstanda 6 ölkənin xüsusi təyinatlı qüvvələrinin təlimi
Sentyabrın 10-da Qazaxıstanın Türküstan vilayətindəki Orda poliqonunda "Sonsuz qardaşlıq - III" çoxmillətli birgə xüsusi təyinatlı qüvvələr təliminin açılışı olub.
Təlimdə Azərbaycan, Qazaxıstan, Türkiyə, Pakistan, Qətər və Özbəkistan xüsusi təyinatlıları iştirak edirlər. İordaniya və Qırğızıstan Silahlı Qüvvələrinin nümayəndələri isə təlimi izləyirlər.
Təlimlərdə məqsəd bölmələrin idarə edilməsində operativ uyğunluğu təmin etmək, praktiki bacarıqları artırmaq, təcrübə mübadiləsi aparmaq və peşə bacarıqlarını inkişaf etdirməkdir.
Plana əsasən, taktiki, atəş, dağ-paraşüt, snayper hazırlığı üzrə təlimlər keçiriləcək. Sonra xüsusi təyinatlı bölmələr yaşayış məntəqəsində qanunsuz silahlı dəstələrin aşkar edilməsi və zərərsizləşdirilməsi üzrə təlim-döyüş tapşırıqlarını yerinə yetirəcəklər.
Birgə təlimlərə zirehli texnika, ordu aviasiyası, pilotsuz uçan aparatlar və 300-ə qədər xüsusi təyinatlı hərbçi cəlb edilib.
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz