BMT İHŞ Azərbaycanda sərbəst toplaşmaq azadlığının pozulmasından narahatdır

BMT İnsan Hüquqları Şurasının (İHŞ) mayın 27-də Cenevrədə keçirilən növbəti sessiyasında Azərbaycanda ifadə azadlığına təhlükə, sərbəst toplaşmaq və birləşmək hüquqlarının pozulması ilə bağlı bəyanatlar səslənib. 

Mayın 30-31-də keçirilən müzakirələri müşahidə edən Seçkilərin Monitorqi və Demokratiyanın Tədrsi Mərkəzinin (SMDT) sədri Anar Məmmədli deyib ki, beynəlxalq hüquq müdafiə qurumlarının təmsilçiləri çxışlarında Azərbaycanda siyasi azadlıqların pozulması barədə narahatlıq ifadə ediblər. SMDT sədrinin bildirdiyinə görə, BMT-nin dinc toplantılar və birləşmək azadlığı üzrə xüsusi məruzəçisi Maina Kiayi hesabat çıxışında Azərbaycanda QHT-lərlə bağlı duruma toxunub. Qanunlara edilən dəyişikliklər nəticəsində yerli QHT-lərin xaricdən maliyyələşmə imkanlarının məhdudlaşdığı qeyd olunub.

M.Kyayi yekun çıxışında demokratik institutların sərbəst toplaşmaq azadlığının təmin edilmədiyi, siyasi partiyaların, QHT-lərin, həmkarlar ittifaqlarının fəaliyyət imkanları məhdudlşadırıldığı ölkələrdə demokratik institutlar mövcud ola bilməz. 

İyunun 1-də “Seçkilər şəraitində sərbəst toplaşmaq azadlıqlarına təminat” mövzusunda keçiriləcək ekspert məsləhətləşməsində Rusiya, Belarus, Malaziya, Nigeriya, Zimbabve, Uqanda, Misir və Azərbaycanda seçkiqabağı və seçkilər dövründə siyasi azadlıqların durumu, siyasi partiyalar və vətəndaş cəmiyyəti institutlarının fəaliyyət imkanlarının müzakirəsi nəzərdə tutulur.  

SMDT sədrinin veriyi məlumata görə, BMT-nin İnsan Hüquqları üzrə Ali Komissarlığı, ATƏT-in Demokratk Təsisatlar və İnsan Hüquqları Bürosu, Cenevrədə təmsil olunan bəzi diplomatik missiyaların təmsilçiləri, beynəlxalq hüquq, siyasi proseslər və seçkilər üzrə ekspertlərin tədbirə qatılacaqları gözlənilir.  

Hazırda Cenevrədə toplaşan xeyli sayda beynəlxalq ekspert, vətəndaş cəmiyyəti fəalları və hüquq müdafiəçiləri iyunun 14-dək insan hüquqlarının müxtəlif sahələri üzrə ardıcıl panel müzakirələr təşkil etməyi nəzərdə tuturlar. -05D-