Kürdəxanı istintaq təcridxanasında saxlanılan Respublikaçı Alternativ vətəndaş hərəkatının lideri İlqar Məmmədov mayın 30-da cəza kamerasına (karserə) salınıb. Bu barədə Turan-a vəkil Xalid Bağırov bildirib.
“Görüşümüzdən bir neçə saat sonra onun kamerasına hansısa şübhəli şəxs gətiriblər. Məmmədova deyiblər ki, ya bu insan onunla qalacaq, ya da Məmmədovu cəza kamerasına keçirəcəklər. İlqar bu insanla kamerada qalmaqdan imtina edib.
Fevralın sonlarında Məmmədovun yanına özünü şübhəli aparan bir nəfər salıblar: o, gah ölkəni tərk etməyi, gah intihar etməyi təklif edib. Sonradan məlum olub ki, bu, hüquq-mühafizə orqanlarının keçmiş işçisi olub.
Vəkilin sözlərinə görə, Məmmədovun hansı müddət üçün karserə salındığı məlum deyil. O, bu qərardan şikayət veriləcəyini qeyd edib.
Xatırladaq ki, İlqar Məmmədov 23-24 yanvar tarixlərində İsmayıllıda iğtişaşlar təşkil etmək ittihamı ilə həbs edilib. İctimaiyyət onu vicdan məhbusu hesab edir. Avropa İnsan Hüquqları Məhkəməsi Məmmədovun şikayətini növbədənkənar icraata qəbul edib. -16D06-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz