Böyük Britaniya səfiri: �İngiltərədə çoxları Tofiq Bəhramovu tanıyır, lakin...�

Bakı/27.05.19/Turan: "Arsenal" və "Çelsi" ayrı-ayrılıqda Bakıya "Qarabağ" ilə oyuna gəliblər və odur ki, mayın 29-da Avropa Liqasının finalının keçiriləcəyi stadionla yaxşı tanışdırlar. Bu barədə Böyük Britaniyanın Azərbaycandakı səfiri Kerol Krofte bazar ertəsi mətbuat konfransında bildirib.

O deyib ki, Azərbaycanla Böyük Britaniya arasında sıx futbol əlaqələri var.

Səfir qeyd edib ki, Tofiq Bəhramov adına Respubkika Stadionunda qazonun vəziyyətinə məsul şəxs əslən Liverpuldan olan Britaniya vətəndaşıdır.

"İngiltərədə Tofiq Bəhramovu çoxları tanıyır, ancaq çoxları onun azərbaycanlı olduğunu bilmir. 2016-cı ildə İngiltərə Dünya Çempionatında qələbəsinin 50 illiyini qeyd edərkən biz səfirliyin nümayəndələri kimi Tofiq Bərhramovun ailəsini ziyarət etdik. Kraliçanın ona hədiyyə etdiyi fit indiyədək onların evindədir. Onların evində Tofiq Bəhramovun Bobbi Çarlton ilə fotosu vardı. Onlar bu fotonu bizə təqdim etdilər və indi biz onu səfirlikdə saxlayırıq. Bununla yanaşı Kraliçanın doğum günündə biz onları qəbula dəvət etdik, 1996-cı il İngiltərə yığma komandasının maykasını onlara təqdim etdik", - səfir deyib.

"Azərbaycanda terror təhlükəsi"nin olması, Britaniya turistlərinin gedə biləcəyi yerlər və etməməli olduqları hərəkətlər barədə Böyük Britaniya XİN-in xatırlatmasına toxunan səfir deyib ki, bu xatırlatma çoxdan hazırlanıb və onu yeniləmək üçün səbəb olmamışdı.

"Bu xatırlatma hər zaman mövcud olub və mən başa düşmürəm ki, bu haqda niyə indi danışmağa başlayıblar. Bu xatırlatma ondan ötrüdür ki, Böyük Britaniya vətəndaşı səyahət edəcəyi ölkədə özünü necə aparmaq lazım gəldiyini, səfərin təhlükəsiz və xoş olması üçün hara getməli olduğunu bilsin. Yəni, bu xatırlatma turistlərin səfərə düzgün hazırlaşması üçündür", - K.Krofts bildirib.

Azərbaycana səfərilə bağlı öz şəxsi təcrübəsindən danışan səfir qeyd edib ki, azərbaycanlıları qonaqpərvər, mehriban, səxavətli insanlar kimi tanıyır.

"Şəxsən mən özüm bunun şahidi olmuşam və tamamilə yad bir adamdan kömək almışam. Azərbaycanda olarkən narahat vəziyyətlə qarşılaşan digər Böyük Britaniya vətəndaşları da belə əhvalatlar danışıblar", - səfir deyib.

K.Krofts bildirib ki, səfirlik azarkeşlər üçün iki broşür hazırlayıb. "Birinci broşürdə özünü necə aparmaq, fors-mayor vəziyyətlərdə hara müraciət etmək barədə qısa tesislər var. İkinci broşürdə Bakıda olarkən gediləcək yerləri göstərmişik", - səfir vurğulayıb.-71D-

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti