![Bricit Brink: Tənqid demokratik cəmiyyətin gücüdür](https://turan.az/resized/750/500/resize/media/2016/main/112200175607.jpg)
Bricit Brink: Tənqid demokratik cəmiyyətin gücüdür
ABŞ dövlət katibinin Avropa və Avrasiya məsələləri üzrə köməkçisinin müavini Bricit Brink Azərbaycana səfərinin yekunları ilə bağlı ABŞ-ın Azərbaycandakı səfirliyində mətbuat konfransı keçirib.
O səfəri zamanı Azərbaycan prezidenti, xarici işlər naziri, vətəndaş cəmiyyətinin təmsilçiləri və müxalif siyasi partiyaların rəhbərləri ilə görüşüb.
Xanım Brink görüşlərini çox məhsuldar keçdiyini deyib. Mənim səfərimin məqsədi azad, müstəqil, sabit və demokratik inkişaf edən Azərbaycanla bağlıdır.
“Görüşlərim zamanı Azərbaycanla ABŞ arasında ikitərəfli münasibətlərdə əldə edilmiş inkişaf perspektivlərini müzakirə etdik. Eyni zamanda, təhlükəsizlik, terrorizmə, transmilli cinayətkarlığa, korrupsiyaya qarşı mübarizə, məhkəmə-hüquq sistemi, iqtisadi əməkdaşlıq, enerji, həmçinin Dağlıq Qarabağ münaqişəsinin həlli ilə bağlı fikir mübadiləsi apardıq. Azərbaycanın Avropanın enerji təhlükəsizliyinin təminatında vacib rolunu qyed etdik”, o bildirib.
ABŞ dövlət katibinin köməkçisinin müavini müzakirələrdə Azərbaycanın iqtisadi inkişafına dair planlarının və demokratiya sahəsində fəaliyyətininn nəzərdən keçirildiyini deyib.
“İqtisadi islahatlar Azərbaycanda korrupsiyanın səviyyəsinin aşağı salınmasına, şəffaflığın artırılmasına kömək edəcək”.
Xanım Brink prezident İlham Əliyevin xarici donorlar tərəfindən Azərbaycanda qrantların verilməsi prosedurunda “bir pəncərə” prinsipinin tətbiqi haqqında fərmanını müsbət qiymətləndirdiyini deyib.
“Bu fərman xaricdən gələn qranlara təkan verəcək”.
O görüşləri zamanı həbsdə olan REAL Hərəkatının lideri İlqar Məmmədovla və demokratiya ilə bağlı məslələrə toxunduğunu bildirib.
“Demokratik cəmiyyətlərdə media azadlığı, sərbəst toplaşmaq azadlığı, vətəndaş cəmiyyəti demokratiyanın inkişafında mühüm rol oynayır”.
ABŞ dövlət katibinin köməkçisinin müavini bildirib ki, Dağlıq Qarabağ münaqişəsinin hərbi həll yolu yoxdur.
“ABŞ tərəflərlə işlərini davam etdirərək davamlı və hərtərəfli sülhə nail olmağa sadiq olduğunu bildirir”, o qeyd edib.
Xanım Brink ATƏT-in Minsk Qrupunda amerikalı həmsədr Ceyms Uorlikin başqa diplomatla əvəzlənəcyini təsdiqləyib.
“Ceyms Uorlikin fəaliyyətini yüksək qiymətləndiririk”.
Bununla yanaşı, o Ceyms Uorliki kimin əvəz edəcəyi barədə məlumat verməyib.
ABŞ dövlət katibinin köməkçisinin müavini Turanın danışıqlarda demokratiya sahəsində hansı irəliləyişin olması və “AzadlıqRadisounun” Bakı ofisinin açılacağı ilə bağlı razılığın olub-olmaması barədə sualından yayınıb.
“Diplomatiyanın əsas qaydalarından biri odur ki, gələcək planlar barədə düşünmürsən. Prezidenrtin qrantlar barədə imzaladığı fərmanı yüksək qiymətləndiririk”, o suala qeyri-müəyyən cavab verib.
Xanım Brink İlqar Məmmədovun həbsdən azad edilməsi barədə Avropa Məhkəməsinin qərarının yerinə yetirilməməsi barədə sualın cavabında bildirib ki, danışıqları barədə geniş danışmaq istəmir.
“Amma, bu məsələ bizim üçün çox vacibdir. Avropa Məhkəməsinin qərarı da bizim üçün çox vacibdir. Əsas azadlıqlar, mətbuat azadlığı, toplaşmaq azadlığı, tənqidi səslərin olması demokratik cəmiyyətin inkişafı üçün çox vacibdir. Burada ABŞ təcrübəsi var. ABŞ adminsistrasiyasının işçisi kimi mən də tənqidə məruz qalıram. Tənqid demokratik cəmiyyətin gücüdür”, o qeyd edib.—03С--
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz