Brüssel Azərbaycan və Ermənistan XİN rəhbərlərinin görüşünü təşkil edə bilməyib

Bakı/18.12.20/Turan:  Aİ-nin xarici işlər üzrə ali nümayəndəsi Jozep Borrel bildirib ki, onun cümə axşamı Azərbaycan və Ermənistan XİN rəhbərlərilə görüş təşkil etmək cəhdi baş tutmayıb, İnterfaks bildirib.

"Üçtərəfli format - Avropa İttifaqı, Ermənistan və Azərbaycan mümkün olmayıb, ona görə də mən hər iki nazirlə ayrıca görüşəcəyəm", - Borrel Brüsseldə Aİ-Ermənistan Tərəfdaşlıq Şurasının iclasında bildirib.

Cümə günü Aİ-nin Azərbaycanla əməkdaşlıq Şurasının analoji iclası keçiriləcək. Bu görüşlərdə Ermənistan və Azərbaycanı iki ölkənin XİN rəhbərləri təmsil edirlər.

"Noyabrın 10-da, təxminən 40 gün öncə Rusiyanın nail olduğu atəşkəs haqda razılaşma şübhəsiz ki, növbəti qurbanların qarşısını aldı. Ancaq keçən həftə, təəssüflər olsun ki, biz hər iki tərəfdən atəşkəsin pozulmasına dair məlumatlar eşitdik. Atəşkəs rejiminə tam əməl olunması əvvəlkitək məcburidir", - Borrel deyib.

O, Aİ-nin ATƏT-in Minsk Qrupu formatını tam dəstəklədiyini və həmsədrlər münaqişənin hərtərəfli və davamlı həllilə bağlı danışıqları davam etdirməsini gözlədiyini təsdiqləyib. 02D-