Cəlal Əliyevin qızı narkotika görə Yunanıstanda saxlanılıb

Yunanıstanın "Newsit" nəşri dekabrın 30-da bildirib ki, Mikaela Cav, ləqəbi İzzət Xanım Cavadova 12 nəfərlə birlikdə Yunanıstanda saxlanılıb.

O, Cəlal Əliyevin qızıdır və uzun müddət əri ilə birlikdə Londonda yaşayır, orada xeyli daşınmaz əmlaka malikdir.

Həmin mənbənin verdiyi xəbərə görə, Yunanıstan polisi iki gün əvvəl Londondan gələn Mikaela əyləncə üçün Afina yaxınlığında villa kirayələyib.

Polisin əməliyatı zamanı həmin villada külli miqdarda narkotik və 43 min avro ələ keçirilib.

Newsit-in məlumatına görə, iki gün əvvəl polis yıgıncaqla bağlı siqnal alıb. Görüşün məxfiliyini qorumaq üçün Mikaela dostlarına onlayn dəvətnamələr göndərdi.

Polis bazar ertəsi səhər tezdən reyd keçirərək, Mikaela da daxil olmaqla 13 nəfəri saxlayıb.

Hadisə yerindən kokain, ekstazi həbləri, Xanax, sirr, LSD, ketamin, metamfetamin və digər narkotik vasitələr aşkar edilib.

Polisin məlumatına görə, tədbir iştirakçıları həbs olunan zaman narkotik qəbul ediblər. Onlardan bəziləri DJ masasında tapılıb.

Dünya mətbuatının yazdığına görə, yanvarın 2-də Afina məhkəməsi saxlananların gələcək taleyi ilə bağlı qərar verəcək.