Cəmil Həsənli xarici mütəxəssislərin sosial şəbəkələrdə siyasi fəalları izlədiyini bildirib

Xarici dövlətlərin Azərbaycana gətirdiyi yeni texnologiyalardan və mütəxəssislərdən müxalifətin izlənməsi üçün istifadə olunur. Bu sensasiyalı bəyanatla bu gün mətbuat konfrasnında Milli Şuranın prezidentliyə namizədi Cəmil Həsənli çıxış edib. 

Onun sözlərinə görə, Prezident Administrasiyasında müxtəlif otaqlarda oturan mütəxəssilər xaricdən gətirilmiş texnologiyalar vasitəsi ilə siyasi fəalların və gənclərin sosial şəbəkələrdəki profillərini, email-lərini izləyir. “Gənclərin yazdıqları mesajlara görə onlar özləri və ailə üzvləri cəzalandırılır. Prezident Administrasiyasının tapşırığı ilə siyasi fəalların valideynləri, ailə üzvləri vəzifəsindən azad edilir, biznes qurumları əlindən alınır və ya onlar həbs edilir”, deyə o qeyd edib. 

Həsənli həmçinin mütəxəssislərin Prezident Administrasiyasında oturduqları otaqların nömrələrini belə açıqlayacağına söz verib. “Vaxtı gələndə sosial şəbəkələri izləyən mütəxəssislərin otaqlarının nömrələrini və xarici mütəxəssilərin hansı təyyarə reysləri ilə Azərbaycana gətirildiyini açıqlayacağam”, deyə o bildirib. -03DC-