Açiq mənbələrdən foto.
Bakı/22.06.23/Turan: Azərbaycanın xarici işlər naziri Ceyhun Bayramov Londonda Ukraynanın bərpası üzrə konfrans çərçivəsində Böyük Britaniyanın xarici işlər naziri Ceyms Kleverli ilə görüşüb.
"Tərəflər Azərbaycanla Böyük Britaniya arasında dostluq münasibətlərini vurğulayıblar və onların genişləndirilməsi istiqamətində birgə addımları müzakirə ediblər. Regionda sabitliyin və sülhün təmin edilməsinə yönəlmiş əməkdaşlığın daha da möhkəmləndirilməsi qeyd olunub", - Azərbaycan Xarici İşlər Nazirliyinin Tvitterdəki məlumatında deyilir.
Öz növbəsində, Kleverli Azərbaycanın Ukraynaya humanitar yardımına görə Ceyhun Bayramova təşəkkür edib. Bu barədə Kleverli Tvitterdə yazıb.
"Böyük Britaniya Cənubi Qafqazda çiçəklənmə, sülh və təhlükəsizliyə tərəfdardır", - o deyib.
Kleverli hesab edir ki, "Azərbaycan və Ermənistan arasında tarixi sülh sazişi yaxındır".
Həmçinin Ceyhun Bayramov Böyük Britaniya və Şimali İrlandiya kralı III Çarlz ilə görüşüb. 16B06
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz