Co Bayden
Co Bayden İlham Əliyevi sülhə sadiqliyini nümayiş etdirməyə çağırıb
"İki ölkə arasında münasibətlərin normallaşdırılmasına xidmət edəcək sülh sazişinin yekunlaşdırılması istiqamətində ölkənizin və Ermənistanın əldə etdiyi davamlı tərəqqidən məmnunam. Sizi əmin etmək istəyirəm ki, ABŞ əsrlər boyu davam edən münaqişəyə nəhayət son qoyacaq Azərbaycan ilə Ermənistan arasında dayanıqlı və ləyaqətli sülhün əldə edilməsinə dəstək verməyə hazırdır", bu barədə ABŞ prezidenti Co Baydenin oktyabrın 21-də Azərbaycan prezidenti İlham Əliyevə təqdim edilmiş məktubunda bildirilir.
"Sülh sazişi Azərbaycanın suverenliyinin və ərazi bütövlüyünün təmin edilməsi ilə yanaşı, bütün regionu transformasiya edəcək, Avropa və Mərkəzi Asiya arasında daha çox ticarətə, sərmayə qoyuluşuna və bağlılığa xidmət göstərək.
Dünyanın diqqəti COP29 ilə bağlı Bakıya yönəldiyi bir vaxtda qlobal ictimaiyyətə sülhə sadiqliyinizi nümayiş etdirmək üçün misilsiz imkana maliksiniz. Bildiyiniz kimi, sülh sazişinin razılaşdırılmamış bəndlərinə dair işin yekunlaşdırılması hər iki tərəfdən kreativlik və güzəşt tələb edəcək. Lakin əminəm ki, bu imkandan yararlanmağa davam edəcəksiniz. Mən Sizi cari ildə sazişi yekunlaşdırmağa dəvət edirəm.
Bu məsələyə dəstək verməyə sadiq olduğumu bildirmək istəyirəm. Mənim administrasiyam sülhə yol açacaq cəsarətli təşəbbüslərin irəli sürülməsinə hazırdır. Xahişimlə xüsusi köməkçim, Avropa üzrə baş direktor Maykl Karpenter atmağa hazır olduğumuz müəyyən addımlarla bağlı Sizi məlumatlandıracaq və Ermənistanla müzakirələrə dair Sizin mövqeyinizi öyrənəcək.
Ümid edirəm ki, birgə firavanlıq və ümumi xeyir naminə regiona dair yeni kursun seçilməsi üçün bu fürsətdən yararlanacaqsınız", deyə ABŞ prezidentinin məktubunda qeyd edilir.
Siyasət
-
Gürcüstan Penitensiar Xidmətin Tibb Müəssisəsində aclığı davam etdirən Azərbaycanın Azel TV saytının rəhbəri Əfqan Sadıqovun vəziyyəti ağırlaşıb. Bu barədə Turan-a bazar ertəsi onunla telefon danışığından sonra həyat yoldaşı Sevinc Sadıqova bildirib.
-
Oktyabrın 20-də Moldovada prezident seçkiləri, həmçinin ölkənin Aİ-yə daxil olması haqqında referendum keçirilib. Ölkənin fəaliyyətdə olan prezidenti Mayya Sandu Rusiyanı nəzərdə tutaraq bildirib ki, seçkilər kənardan "misli görülməmiş" müdaxilə ilə üzləşib.
-
Azərbaycan prezidenti İlham Əliyev oktyabrın 21-də ABŞ prezidentinin xüsusi köməkçisi və Milli Təhlükəsizlik Şurasının Avropa üzrə baş direktoru Maykl Karpenteri qəbul edib.
-
Türkiyədə terrorçu təşkilat elan olunan FETÖ-nün rəhbəri Fətullah Gülən ABŞ-da vəfat edib, bu barədə Habertürk FETÖ-nün portalına istinadla məlumat yayıb. FETÖ liderinin qardaşı oğlu Ebuseleme Gülen sosial şəbəkələrdə ilahiyyatçının öldüyünü təsdiq edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- İqtisadiyyat,
- 14:45
- 124
-
- Cəmiyyət,
- 14:43
- 134
-
- Kənd təsərrüfatı,
- 14:25
- 199
-
- Maliyyə,
- 11:46
- 168
-
- Maliyyə,
- 11:20
- 217
-
- İqtisadiyyat,
- 11:18
- 270
-
- Siyasət,
- 10:56
- 458
Rəy yaz