Daha bir müxalifətçi paytaxt polisinə çağırılıb
Mayın 3-də ictimai fəal Əbülfəz Qurbanlı şahid qismində Bakı Baş Polis İdarəsinə çağırılıb. Bu barədə Turan-a Qurbanlı özü bildirib.
Eyni zamanda, fəala hansı cinayət işinə görə çağırıldığını deməyiblər. “Dedilər polis idarəsinə gələndə deyəcəklər”, - o qeyd edib.
Qurbanlının “Abzas Media” işi üzrə dindiriləcəyi istisna olunmur. Lakin Qurbanlının dediyi kimi, onun “Abzas Media” nəşri ilə heç bir əlaqəsi yoxdur.
Qurbanlı 2002-ci ildən ictimai-siyasi fəaliyyətlə məşğul olub, Xalq Cəbhəsi Partiyasının üzvü olub. 2008-ci ildən Gənclər Komitəsinə rəhbərlik edib, 2013-cü ildə təşkilatın üzvü seçilib. 2015-ci ildə partiyadan çıxıb.
2021-ci ildən "Artikl 54" İctimai Birliyinin həmtəsisçisi və icraçı direktorudur. Təşkilat ictimai iştirakçılıq, ictimai nəzarət, icma quruculuğu və inkişafı ilə bağlı müxtəlif məsələlərlə məşğul olur.
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz