Ziyalılar Forumunun təşəbbüsü ilə çərşənbə günü dramaturq Rüstəm İbrahimbəyovun evində bu təşkilatın aparıcı nümayəndələri Azərbaycan gənclər hərəkatının təmsilçiləri ilə görüşüb. Görüşdə cari siyasi vəziyyət müzakirə edilib və aktual problemlərlə bağlı birgə addımların atılması qərara alınıb.
Professor Cəmil Həsənli diqqəti hakimiyyətin repressiv siyasəti və təhlükəli həddə çatan korrupsiyaya yönəldib. O, müxalif siyasi xadimlərin və ziyalıların nümayəndələrinin ölkə ərazisində hərəkətinə qadağanı dəhşətli fakt adlandırıb.
«Azərbaycanlıların işğal olunan ərazilərdə hərəkətinə işğalçı ermənilərin mane olması cinayətdir, Azərbaycan hakimiyyətinin öz vətəndaşlarının ölkədə gəzməsinə qadağası ikiqat cinayətdir", deyə məşhur alim, riyaziyyatçı professor Rafiq Əliyev bildirib.
Bu iradlar Lənkəranda Müsavat başqanı İsa Qəmbərin və “El” hərəkatının təmsilçisi Eldəniz Quliyevin avtomobillərinə təşkil edilən xuliqan hücumları ilə bağlı səslənib.
Həmçinin xüsusi mülkiyyətin toxunulmazlığı prinsipinin pozulmasına diqqət çəkilib. Qeyd edilib ki, iqtidar “El” hərəkatına ofis verən daşınmaz əmlak sahiblərini hədə yolu ilə çəkindirib.
Həsənlinin fikrincə, korrupsiya elə həddə çatıb ki, milli təhlükəsizlik üçün təhdidə çevrilib və artıq təhsil, səhiyyə, iqtisadiyyat və ordunu məhv edir. Bu aspektdə əsgər ölümləri xüsusi narahatlıq doğurur, deyə Həsənli qeyd edib. O bildirib ki, 90-cı illərdə ordu daha pis təchiz olunsa da, insanların həyat səviyyəsi aşağı olsa da, belə hadisələr daha az olurdu.
Gənc fəallar qeyd ediblər ki, əsgər ölümlərinə qarşı hərəkat həbslərə rəğmən davam edəcək. "Bir neçə NİDA üzvünün həbsinə cavab olaraq təşkilata 60 yeni üzv qəbul edilib. Bu, gənclərin repressiyalara cavabıdır", deyə Turqut Qəmbər bildirib.
Müzakirələr zamanı tərəflər hərəkətlərin əlaqələndirilməsi, Azərbaycanın demokratik inkişafı və irimiqyaslı siyasi və iqtisadi islahatların keçirilməsi uğrunda mübarizədə səyləri birləşdirmək barədə razılığa gəliblər.
“El” hərəkatının təsisçisi Eldar Namazov "Həmrəylik" internet səhifəsi açıb azadlıq və demokratiya idealları uğrunda mübarizədə bütün demokratik gücləri birləşdirməyi təklif edib. Gənc fəallar bu təşəbbüsü dəstəkləyib.—0—
Siyasət
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
-
Fevralın 11-də Azərbaycan Hüquq-Müdafiə Təşkilatlari Monitorinq Qrupunun üzvləri Novella Cəfəroğlu, Səidə Qocamanli və Səadət Bənənyarlı həbs edilmiş jurnalist Şahnaz Bəylərqızının işi üzrə ölkə rəhbərliyinə etdikləri müraciətlə əlaqədar Daxili İşlər Nazirliyində görüş keçiriblər.
Rəy yaz