Azad Fikir Universiteti bağlanıb

 

Bakıda  AF-Mall-un(Səməd Vurğun 34-ünvanında) 5-ci mərtəbəsində fəaliyyət göstərən Azad Fikir Universiteti bağlanılıb. 
Bu barədə universitetin Facebook səhifəsində məlumat yerləşdirilib.
 
" Bu gün səhər saatlarında Baş Prokurorluğun əməkdaşları heç bir məlumat vermədən Azad Fikir Universitetinə gələrək qapını möhürləyiblər və ofisi bağlayıblar. Hal-hazırda səbəbləri aydınlaşdırmağa çalışırıq
 
Buna görə də özümüzdən asılı olmayan şərtlərə görə AFU-dakı tədbirlər qeyri-müəyyən müddətə təxirə salınır. Sabah, 11 apreldə keçirilməli olan ədəbiyyatda tərcümə problemləri ilə bağlı mühazirə də təxirə salınır."
 
Baş Prokurorluğun saytında Azad Fikir Universitetinin bağlanmasıyla bağlı hər hansı məlumat yer almayıb.
 
Azad Fikir Universiteti 2009-cu ilin oktyabrında fəaliyyətində başlayıb.
 
Layihənin məqsədi gəncliyin rahat toplaşaraq bilik əldə etməsi, demokratik dəyərlərlə tanış olması, sərbəst müzakirələr aparmasıdır. 
 
Layihə OL! Azərbaycan Gənclər Hərəkatı tərəfindən həyata keçirilir.
 
Fəaliyyəti zamanı Azad Fikir Universiteti Amerika Birləşmiş Ştatlarının, Böyük Britaniyanın Bakıda səfirlikləriylə yanaşı Milli Demokratiya İnsitutu (NED), ABŞ Beynəlxalq İnkişaf Agentliyi (USAİD), Demokratiya üçün Milli Dəstək Fondu, Amerika Birləşmiş Ştatları Alman Marşal Fondu ilə tərəfdaşlıq edib.-16/06-

Rəy yaz

Siyasət

Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda



Bizi sosial şəbəkələrdə izləyin

Xəbər lenti