DİN: Biz insanları döyməmişik, videoçəkilişlər isə Avropadakı iğtişaşların montajıdır
Bakı/24.10.19/Turan: Bakıda müxalifətin mitinqinin dağıdılmasından, insanların kütləvi döyülməsindən və yüzdən çox insanın həbs edilməsindən beş gün sonra DİN münasibət bildirmək qərarına gəlib.
Belə, ki, oktyabrın 24-də DİN-in Facebook səhifəsində yerləşdirilən məlumatda deyilir ki, oktyabrın 19-da polis "ictimai qaydanın kobud pozuntusu ilə müşayiət olunan hərəkətlərin, insanlar arasında yarana biləcək qarşıdurmanın, əhalinin rahatlığının pozulmasına yönələn hərəkətlərin" qarşısını "qanun çərçivəsində" alıb.
"Bu zaman fəaliyyətlərinə heç bir maneə yaradılmadan, hadisələri işıqlandırmaq məqsədi ilə çəkiliş aparan şəxslər tərəfindən polisin fəaliyyətinə dair bir neçə olay, Avropa dövlətlərində baş verən hadisələrlə montaj edilərək, sosial şəbəkələrdə paylaşılır. Xüsusi qruplar tərəfindən bu kadrların altında polisin imicini ləkələmək məqsədi ilə təhqir, böhtan, söyüş dolu statuslar yazılır", deyə DİN-in məlumatında bildirilir.
DİN bu böhtana inanmayan vətəndaşlara təşəkkür edir və bilirir ki, "zamanın sərt sınaqlarından çıxmış, həmişə dövlətçiliyimizin etibarlı müdafiəçisi, vətəndaşların ümid yeri olan daxili işlər orqanlarının şəxsi heyəti qaragüruhçuların nə deməsindən asılı olmayaraq öz fəaliyyətini, dövlətçiliyə və xalqa sədaqət ruhunda davam etdirir və bundan sonra da belə olacaq". -02D-
-
- İqtisadiyyat
- 24 Oktyabr 2019 13:23
-
- Maliyyə
- 24 Oktyabr 2019 13:29
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz