![Микяил Мушвиг](https://turan.az/resized/750/500/resize/media/2018/main/103100014431.jpg)
Микяил Мушвиг
Dövlət başçısı Mikayıl Müşfiqin qalıqlarının araşdırılması barədə göstəriş verib
Bakı/31.10.18/Turan: Azərbaycan şairi, Stalin repressiyasının qurbanı Mikayıl Müşfiqin qalıqlarının aşkar olunması barədə yayılan məlumatlar dövlət başçısının nəzarətindədir. Bu barədə prezidentin köməkçisi Əli Həsənov bildirib.
Prezident məsələnin araşdırılması üçün Milli Elmlər Akademiyası, Səhiyyə, Mədəniyyət nazirlikləri və digər əlaqədar qurumların nümayəndələrindən ibarət işçi qrupunun yaradılması barədə göstəriş verib.
"Tapşırığa əsasən Mikayıl Müşfiqə məxsus olduğu ehtimal edilən qalıqlar müvafiq qaydada DNK ekspertizasından keçiriləcək. Əgər qalıqların həqiqətən ona məxsus olduğu təsdiqini taparsa, şairin yenidən dəfn olunması ilə bağlı bütün zəruri tədbirlər görüləcək", - KİV Ə.Həsənovdan sitat gətirib.
Xatırladaq ki, bir neçə gün öncə jurnalist Eynulla Fətullayevin rəhbərliyilə bir qrup entuziast Bakının yaxınlığında repressiya qurbanlarının kütləvi güllələndiyi yerdə qazıntı aparıb. Qrup şairin qalıqlarını aşkar etdiyini bildirib və rəsmi araşdırmaya nail olmağa cəhd göstərib. Lakin mədəniyyət naziri Əbülfəz Qarayev və digər dövlət məmurları bunun əleyhinə kəskin çıxışlar ediblər. Bundan sonra bu mövzuda söhbət qapanıb. Lakin hakimiyyətin hərəkəti KİV və ictmaiyyətin kəskin tənqidinə səbəb olub.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz