![Dövlət Təhlükəsizlik Xidmətinin rəhbərinin Gəncə hadisələri haqqında dedikləri](https://turan.az/resized/media/2018/main/111400014758-750-500-resize.webp)
Dövlət Təhlükəsizlik Xidmətinin rəhbərinin Gəncə hadisələri haqqında dedikləri
Bakı/14.11.18/Turan: Bu ilin iyulunda Gəncədə baş vermiş iğtişaşlarla əlaqədar 60-dan çox insan həbs edilib, beş nəfər silahlı müqavimət göstərərkən məhv edilib. Bu barədə noyabrın 14-də Azərbaycan Dövlət Təhlükəsizlik Xidmətinin (DTX) rəisi Mədət Quliyev Bişkekdə Türkdilli Dövlətlərin Xüsusi Xidmət Orqanları Konfransının XXI iclasında çıxış edərkən bildirib.
Bir sıra beynəlxalq terror təşkilatlarının Azərbaycanda ictimai-siyasi vəziyyəti gərginləşdirmək cəhdləri haqqında danışan Quliyev qeyd edib ki, Yaxın Şərqdə, İraq və Suriyada bu dini ekstremist təşkilatlar Azərbaycanda öz halqalarını yaratmağa çalışırlar.
Gəncə hadisələri dini radikalların və ekstremistlərin qanunsuz əməllərinin parlaq təzahürü oldu. Onlar Azərbaycanın ikinci böyük şəhərində ictimai-siyasi sabitliyi pozmağa çalışırdılar.
Bu əməllərin qarşısının alınması zamanı 60-dan çox insan həbs edilib, daha beş nəfər silahlı müqavimət göstərərkən məhv edilib. Terror fəaliyyətinin və dini ekstremizmin yayılmasının qarşısını almaq üçün beynəlxlaq əməkdaşlığa və kollektiv tədbirlərə ehtiyac var. Bu mənada türkdilli ölkələrin təhlükəsizlik və xüsusi xidmət orqanlarının qarşılıqlı fəaliyyəti əhəmiyyətlidir, deyə Quliyev bildirib.
Xatırladaq ki, 2018-ci il iyulun 3-də Gəncə sakini Yunis Səfərov odlu silahla şəhər icra başçısı Elmar Vəliyevi və onun cangüdənini yaralayıb. Bir həftə sonra şəhərdə itişaşlar baş verib, iki polis zabiti öldürülüb. Rəsmi orqanların versiyasına görə, iğtişaşlar dini ekstremistlər tərəfindən törədilib. -05D06--
-
- İqtisadiyyat
- 14 Noyabr 2018 11:21
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz