![DTX əməkdaşının dələduzluğa görə tutulduğu bildirilir](https://turan.az/resized/./turan-750-500-resize.webp)
DTX əməkdaşının dələduzluğa görə tutulduğu bildirilir
Bakı/29.05.18/Turan: Dövlət Təhlükəsizliyi Xidmətinin Şirvan şöbəsinin əməkdaşı Rövşən Ağayev dələduzluq ittihamı ilə saxlanılıb. Onun DTX sıralarından xaric edildiyi bildirilir. Bu haqda DTX-nin məlumatında bildirilir.
Məlumata görə, R.Agayevə qarşı dələduzluq şübhəsi Dövlət Təhlükəsizliyi Xidmətinin bu ilin fevralından bəri həyata keçirdiyi əməliyyat-axtarış tədbirləri zamanı müəyyən edilib.
DTX bildirir ki, bu qurumun əməkdaşları fevralda Mehman Ağarzayevlə Nəriman Sadıqovu saxlayıblar. Onların İrandan qaçaqmalçılıq yolu ilə 1565,50 qram heroin, 500 ədəd metadon və metamfetamin tərkibli həb keçirmək istədiyi, barələrində məhkəmə tərəfindən həbs qətimkan tədbiri seçildiyi bildirilir.
Qurum qeyd edir ki, sözügedən iş üzrə istintaq davam etdirilib, Şirvan şəhər sakini Xəyal Abdullayev də saxlanılıb. Onun evindən ümumi çəkisi 77,4 qram 258 ədəd güclü təsir edən maddə olan preqabalin həbləri aşkar edildiyi, ardınca barəsində məhkəməyəqədər həbs tədbiri seçildiyi qeyd olunur.
Araşdırmalar zamanı həmçinin, DTX-nin Şirvan şəhər şöbəsinin əməkdaşı Rövşən Ağayevlə Mətləb Əmirovun X.Abdullayevin həbsdən buraxılması üçün onun anası Sarayxanım Abdullayevadan xeyli miqdarda pul aldıqları müəyyən edilib. S.Abdullayevanın isə mayın 24-dən itkin düşdüyü bildirilir.
DTX bildirir ki, qeyd olunan faktlar üzrə başlanmış cinayət işi üzrə R.Ağayev DTX orqanlarından xaric edilib, o və M.Əmirov şübhəli şəxs qismində saxlanılıb.
İtkin düşdüyü bildirilən S. Abdullayevanın tapılması üçün istintaq-əməliyyat tədbirlərinin davam etdirildiyi bildirilir. -05D-
-
- Cəmiyyət
- 29 May 2018 15:15
Siyasət
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
“Müsavat” partiyası seçki məntəqələrində “karusel” əməliyyatının kütləvi hal aldığını bəyan edib. Partiyann press-relizinə əsasən, 17 saylı seçki dairəsinin 24 saylı məntəqəsində hətta Bakı şəhərində deyil, respublikanın rayonlarında qeydiyyatda olan şəxslər səs verir. 8 saylı seçki dairəsinin 31 saylı məntəqəsində qeydiyyatda olmayan şəxslər müəyyən edilib.
-
Azərbaycan Prezidenti İlham Əliyev bu gün Serbiyanın xarici işlər naziri Marko Curiçi qəbul edib. Görüşdə Əliyev deyib ki, Serbiya Azərbaycanın dostu və strateji tərəfdaşıdır, - dövlət başçısının saytı xəbər verir.
-
Azərbaycan Respublikasının Prezidenti İlham Əliyev, birinci xanım Mehriban Əliyeva və qızları Leyla Əliyeva 7 saylı Səbail seçki dairəsinin Bakı şəhərindəki 6 nömrəli tam orta məktəbdə yerləşən 1 saylı seçki məntəqəsində səs veriblər, - deyə dövlət başçısının saytı xəbər verir.
Rəy yaz